Ni: Mary Ann Santiago
Kalaboso ang isang lalaki makaraang mangholdap ng ginang gamit ang isang laruang baril at bisikleta, sa Barangay San Miguel, Pasig City, Linggo ng gabi.
Kasong robbery hold-up ang kahaharapin ni John Michael Vergel, nasa hustong gulang, at residente sa naturang barangay, matapos na holdapin si Salvacion Penas, na naninirahan din sa naturang lugar.
Batay sa report ng Pasig City Police, dakong 10:30 ng gabi at naglalakad si Penas sa Sandoval Avenue sa Bgy. San Miguel nang bigla siyang hintuan ng suspek na sakay sa bisikleta.
Ilocos Norte, niyanig ng magnitude 4.0 na lindol
Naglabas umano ng “baril” ang suspek na nakalagay sa sling bag at nagdeklara ng holdap, kinuha ang cell phone ni Penas bago tumakas sakay sa bisikleta.
Kaagad namang nakahingi ng tulong ang ginang mula sa isang traffic enforcer, na humabol kay Vergel.
Nang kapkapan, nakumpiska mula sa suspek ang isang laruang baril at ang cell phone ni Penas.
