NI: Jun Fabon
Bistado sa pagbebenta ng marijuana ang dalawang menor de edad sa buy-bust operation sa Novaliches, Quezon City, iniulat kahapon.
Kinilala ang mga inaresto sa alyas na Buboy, 16, at JR, 15, kapwa ng Kingspoint Subdivision, Barangay Bagbag, Novaliches.
Base sa imbestigasyon, nagsanib-puwersa ang mga tauhan ng District Drug Enforcement Unit (DDEU) at ng Philippine Drug Enforcement Agency-National Capital Region Office (PDEA-NCRO) sa operasyon laban sa mga suspek sa kahabaan ng King Charles St., Kingspoint Subdivision, dakong 10:30 ng gabi kamakalawa.
Signal No. 3, itinaas na sa 2 lugar sa Luzon dahil sa bagyong Nika
Sa halagang P700, bumili ang poseur buyer ng pinatuyong dahon ng marijuana sa dalawang suspek at dinamba sa gitna ng transaksiyon.
Nakumpiska mula kina Buboy at JR ang 5 kilo ng pinatuyong dahon ng marijuana na nagkakahalaga ng P300,000.
Kapwa idiniretso ang mga suspek sa Quezon City Police District Women and Children Protection Desk (QCPD-WCPD) para sa kaukulang imbestigasyon at disposisyon.
