Laro Ngayon
(Araneta Coliseum)
7 n.h. -- Meralco vs. Talk N Text
NAKATAYA ang huling semifinal slot sa pagtutuos ng Meralco at Talk ‘N Text sa winner-take-all Game 3 sa quarterfinals ng 2017 OPPO-PBA Commissioners Cup.
'Pikon daw?' UAAP fan na nag-dirty finger, agaw-eksena sa San Juan Arena!
Ganap na 7:00 ng gabi ang tapatan ng dalawang koponan para sa karapatang makaharap ang topseed Barangay Ginebra sa semifinals sa Araneta Coliseum.
Naipuwersa ng Bolts ang ‘do-or-die’ nang itabla ang serye nitong Miyerkules, 103-100, sa pangunguna ni rookie Baser Amer na binigyang kredito ni Bolts coach Norman Black dahil sa napakagandang laro na kanyang ipinakita.
Tumapos ang 24-anyos na dating San Beda standout na may career -high 32 puntos bukod pa sa anim na rebound at apat na assist.
Ngunit, dahil batid ang kakayahan ng Texters, pinatunayan ng mga ito noong Game 1 matapos bumalikwas mula sa 81-92 na pagkakaiwan sa kalagitnaan ng fourth quarter upang makahirit ng overtime, naniniwala si Black na mas magiging matindi ang kanilang bakbakan ngayon.
“It’s gonna be a dogfight,” sambit ni Black. (Marivic Awitan)
