Tiniyak ng pamahalaang lokal ng Parañaque City na mareresolba na ang problema sa matinding trapik sa Sucat Road bago mag-Oktubre.
“Kunting tiis na lang at giginhawa na rin ang paglalakbay ng bawat residente ng lungsod sa mga lansangan bago matapos ang taon,” pahayag ni Mayor Edwin Olivarez.
Ito ay matapos siguruhin ng mga opisyal ng Maynilad Water Services, Inc. na matatapos na ang ginagawang Sewer Network Project sa nabanggit na lugar. - Bella Gamotea
