Balik sa championship round ng UAAP women’s basketball ang De La Salle matapos gapiin ang University of the East, 72-50, kahapon sa Smart-Araneta Coliseum.
Nalimitahan ng depensa ng Lady Archers ang Lady Warriors sa dalawang puntos sa second quarter tungo sa dominanteng panalo at maisaayos ang best-of-three final series kontra sa walang talong National University.
Kumawala si Khate Castillo para makasikwat ng 23 puntos, habang kumana ng 13 puntos si Camille Claro. Tinapos ng Lady Archers ang elimination round sa 11-3.
Matapos mabigong makausad sa finals sa nakalipas na dalawang season, balik sa finals ang Season 76 champion.
Basketbolistang lumabag sa 'anti-drug program' ng NBA, suspendido ng 25 games, lugi rin ng ₱690M!
“We got over the psychological hump having the twice-to-beat advantage in the past two years,” sambit ni La Salle coach Cholo Villanueva.
“Finally, we overcame it.”
Makakaharap ng Lady Archers ang matikas na Lady Bulldogs (14-0).
Nanguna si Love Sto. Domingo sa naiskor na 22 puntos at 10 rebound sa Lady Warriors.
Iskor:
La Salle (72) — Castillo 23, Claro 13, Revillosa 10, Vergara 10, Penaranda 9, Dagdagan 3, Nunez 2, Gonzales 2, Arciga 0, Vela 0, Al Mohamed El Hadad 0, Figueroa 0.
UE (50) — Sto. Domingo 22, Mendina 8, Tacula 7, Chan 6, Gayacao 4, Ramos 2, Relova 1, Francisco 0, Requiron 0.
Quarterscores:
15-16; 30-18; 52-31; 72-50. (Marivic Awitan)
