NGAYONG Linggo na mapapanood ang huling “mini-movie” na tampok sa Aha: Horror Fest — ang Matilda.
Tampok ang Kapuso child star na si Chlaui Malayao sa ikatlong Halloween presentation na ito ng top-rating science and infotainment program, sa kuwento ng isang batang taga-lungsod na sumama sa kanyang nanay para bisitahin ang bahay ng lola niya sa probinsiya. Hindi niya aakalain na ang tila nakakabagot na biyahe ay may dala palang takot at pangamba.
Nabubuhay nga ba ang manyikang si Matilda para takutin at bigyan ng aral ang batang pasaway? O ang mga kahindik-hindik na pangyayari ba’y nagkataon lamang at kayang ipaliwanag ng siyensiya?
Makakasama ni Chlaui sina Maey Bautista, Flora Gasser, Bedick, at Ever.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Tatlong mini-movie ang inihanda ng Aha para sa pagdiriwang ng Halloween. Nauna na rito ang “Gamer” at “Maria, Maria”.
Iba’t ibang saya, kaalaman, at katatakutan ang hatid ng Aha: Horror Fest kasama si Drew Arellano, 8:15 AM sa GMA.
