Namayani ang University of the Philippines Fighting Maroons, National University Bulldogs at Chiang Kai Shek Blue Dragons para patatagin ang kampanya sa susunod na round ng 14th Fr. Martin Division 2 Cup basketball tournament kamakailan sa St. Placid gym sa San Beda College-Manila campus sa Mendiola.
Hataw si Ibrahim Outtra sa Fighting Maroons sa natipang 20 puntos, habang nag-ambag si Jun Manzo na may 13 puntos para sandigan ang 79-74 panalo kontra Arellano University Chiefs at manatiling imakulada sa limang laro para sa quarterfinal sa Group A ng senior division.
Ginapi ng NU Bullpups ang Arellano University Chiefs, 72-54, para manatiling nangunguna sa Group B ng junior side.
Sumandal naman ang CKSC Blue Dragons sa natipang 13 puntos ni Joshua Ramirez para sa 86-48 panalo sa Rich Montessori Center Spartans.
'Pikon daw?' UAAP fan na nag-dirty finger, agaw-eksena sa San Juan Arena!
Tangan ng Dragons ang No.4 spot sa Group A, at tumatag para makasama sa semifinal ang Spartans at Letran Squires.
Ratsada naman sina Russell Calimag at Jade Talampas sa nakubrng 13 at 11 puntos para sandigan ang San Beda-Rizal Red Cubs kontra St. Michael College-Laguna, 98-54.
