Mahinahong sinagot ng Palasyo ang patutsada ni US Republican presidentiable Donald Trump sa bansa, kung saan inilinya nito sa mga terorista ang Pilipinas.
Ayon kay Presidential Communications Office (PCO) Secretary Martin Andanar, nakikiisa ang bansa sa ‘peace-loving countries’ sa kanilang laban sa terorismo.
“It is ironic for Mr. Trump to say disparaging remarks about the Philippines considering his major real estate “brand” investment in Makati called Trump Tower. In fact, Mr. Trump has even professed his love for the Philippines during the launch of his 57-storey luxury apartment in Makati (in 2012),” ayon kay Andanar.
Sa kanyang talumpati, sinabi ni Trump na hindi dapat makapasok sa Amerika ang immigrants na galing sa ‘terrorist nations’ tulad ng Somalia, Morocco, Uzbekistan, Syria, Afghanistan, Iraq, Pakistan, Yemen, at Philippines.
