Mga laro ngayon (PhilSports Arena)
1 n.h. -- Air Force vs IEM
4 n.h -- UP vs Laoag
Traditional jeepney, mas maayos pa ring sakyan daw kaysa sa modern jeepney
6:30 n.g. -- Pocari vs Air Force
Nakataya ang huling silya para sa semifinals sa krusyal na laro sa pagitan ng University of the Philippines at Laoag ngayon, sa Shakey’s V-League Season 13 Open Conference sa San Juan Arena.
Magtutuos ang Lady Maroons at Ilokandia squad sa tampok na duwelo sa ganap 4:00 ng hapon.
Ang magwawagi ay makakausad sa Final Four kasama ang naghihintay na Pocari Sweat, Bali Pure, at Philippine Air Force.
Magkakasubukan naman ang Pocari at Air Force sa ganap na 6:00 ng gabi, habang magtutuos ang Air Force at IEM sa Spiker’s Turf division sa unang laro sa 1:00 ng hapon.
Itataya ng Pocari ang malinis na 6-0 marka, habang magsisikap naman ang Air Force na pigilin ang tangkang sweep ng una sa elimination round .
Kumpiyansa ang Pocari Sweat na galing sa matikas na five-set win kontra sa Bali Pure na pinangunahan ni UAAP MVP Alyssa Valdez nitong Sabado. - Marivic Awitan
