Inihayag ng Bureau of Internal Revenue (BIR) na nakakolekta ito ng mahigit P152 bilyon noong nakaraang buwan, o mas mataas ng P23.6 bilyon, o halos 19 na porsiyento, sa koleksiyon noong Mayo 2015.
Dahil dito, sinabi ni BIR Commissioner Kim S. Jacinto-Henares na umabot na sa P660 bilyon ang nakolektang internal revenue taxes sa unang limang buwan ng taong ito.
Aniya, ang koleksiyon simula Enero hanggang Mayo ay nasa P659.96 bilyon o nadagdagan ng 10.6 na porsiyento kumpara sa nakolekta sa kaparehong panahon noong 2015.
Puntirya ng BIR na makakolekta ng kabuuang P2 trilyon ngayong 2016. (Jun Ramirez)