TOKYO, Japan – Kapwa walang naging problema sa timbang para sa kanilang duwelo sina World Boxing Council (WBC) world female minimumweight champion Yuko Kuroki ng Japan at challenger Norj Guro ng Philippines.
Nakatakda ang duwelo Martes ng gabi sa Korakuen Hall sa Tokyo, Japan.
Tumimbang si Kuroki sa 104.5 lbs., habang may bigat na 104.2 lbs. si Guro.
LABUBudol? Mga artistang nahumaling sa 'Labubu craze!'
“This will be a good fight since they are even in weight and height,” pahayag ni Brico santig, manager ni Guro, sa text message sa philboxing.com.
Pinangasiwan ang weigh-in ni WBC supervisor Kiate Sirigul.
Tangan ng 26-anyos na si Guro ang markang 7-5-1, tampok ang apat na knockout, habang hawak ni Kuroki ang 15-4-1 karta, kabilang ang 7 KOs.
Ito ang ikaapat na pagdepensa ni Kuroki sa titulong napagwagihan niya kontra sa kababayang si Mari Ando via unanimous decision noong Abril 17, 2014 sa Osaka, Japan.
Napanatili ng 25-anos Japanese southpaw ng korona kontra Katia Gutierrez ng Mexico via split decision noong Nobyembre 1, 2014 sa Fukuoka, Japan.
Nagwagi rin siya kina Masae Akitaya via unanimous decision noong Abril 9, 2015 sa Osaka; kontra Kanittha Saknarong ng Thailand via technical knockout sa ikatlong round noong Agosto 16 sa Fukuoka, gayundin kay Mexican Nancy Franco via UD noong Disyembre 20 sa Kyuden Gym sa Fukuoka.
