VICTORIA, Tarlac - Nagmistulang dagat-dagatang apoy ang pamilihang bayan sa bayang ito matapos itong maabo sa Barangay San Gavino, Victoria, Tarlac.
Sa report ni SFO4 Fernando Duran, municipal fire marshal, aabot sa mahigit P12-milyon halaga ng ari-arian ang natupok sa sunog na nagsimula dakong 10:25 ng gabi nitong Linggo, at naapula bandang 3:20 ng umaga.
Ayon sa fire investigators, nagsimula ang sunog sa RJ Mini-Mart sa Victoria Public Market at agad na kumalat ang apoy sa mga katabing stall.
Wala namang iniulat na nasaktan o nasugatan sa insidente.
Patuloy pang nagsisiyasat ang Victoria-Bureau of Fire Protection (BFP) kung ano ang pinagmulan ng sunog.
Babaeng nagtago ng shabu sa maselang bahagi ng katawan para maipuslit sa kulungan, timbog!
Matagal nang hangad ng mga concerned citizen na maisaayos ang nasabing palengke, partikular ang mga stall dito.
(LEANDRO ALBOROTE)
