Inungusan nina Davao City Mayor Rodrigo Duterte, kandidato sa pagkapangulo, at Senator Francis “Chiz” Escudero, tumatakbong bise presidente, ang kani-kanilang kalaban sa pre-election survey ng Manila Broadcasting Company at DZRH.
Sa nasabing survey, umani si Duterte ng 30.25 porsiyento, kasunod si Sen. Grace Poe-Llamanzares, na nakakuha naman ng 25.14%; pangatlo si Vice President Jejomar Binay, 18.63%; habang nakuha ni Mar Roxas ang ikaapat na puwesto sa 14.92%; at si Miriam Santiago, ay may 6.22%.
Sa hanay naman ng mga kandidato sa pagka-bise presidente, nanguna si Escudero sa botong 28.49%; pumangalawa si Sen. Ferdinand “Bongbong” Marcos Jr., na may 24.62%; pangatlo si Sen. Alan Peter Cayetano, 18.25%; pang-apat si Congresswoman Leni Robredo, sa nakuhang 12.53%; kasunod sina Sen. Antonio Trillanes IV, na may 7.75%; at Sen. Gregorio Honasan na nakakuha ng 6.11%.
Pasok naman sa top 15 senatoriable sina Sen. Vicente “Tito” Sotto III, 57.63%; Sen. Panfilo Lacson, 54.01%; Sen. Franklin Drilon, 47.74%; Sen. Juan Miguel Zubiri, 46.97%; Sen. Ralph Recto, 45.98%; Sen. Francis Pangilinan, 43.33%; Sen. Sergio Osmeña III, 37.89%; Sen. Richard Gordon, 37.07%; Congressman Manny Pacquiao, 36.64%; Justice Secretary Leila de Lima, 36.26%; Akbayan Rep. Risa Hontiveros, 33.81%; Sen. Teofisto Guingona III, 26.22%; Edu Manzano, 21.38%; Mark Lapid, 21.18%; at Congressman Sherwin Gatchalian, 19.46 na porsiyento. (Ellaine Dorothy S. Cal)
