KALIBO, Aklan - Naaresto ng awtoridad sa Romblon ang isang 19-anyos na suspek sa serye ng nakawan, na pangunahing sangkot din sa pagnanakaw at pananaga sa isang mag-lola kamakailan, at may P25,000 na patong sa ulo sa pagkakaaresto nito.
Inaresto rin ng awtoridad ang isang mag-asawang matanda na inakusahan ng pulisya sa pagkakanlong kay Glen Mier Rogan.
Ayon kay Insp. William Aguirre, hepe ng Numancia Police, hindi bababa sa apat na kaso ng robbery at frustrated murder ang kinakaharap ni Rogan, na minsan nang nakulong sa pagnanakaw.
Bukod sa itinuro ng mga testigo, positibo ring nakilala ang suspek dahil ipino-post nito sa Facebook ang mga selfie gamit ang mga ninakaw nito.
National
