Labing-anim na huwes ang itinalaga ni Pangulong Benigno S. Aquino III sa iba’t ibang korte sa Metro Manila at mga lalawigan.
Ang mga appointee ay inirekomenda ng Judicial and Bar Council (JBC), na pinamumunuan ni Chief Justice Maria Lourdes P. A. Sereno.
Kabilang sa mga itinalaga sa Manila Regional Trial Court (RTC) sina Judge Alma Crispina Collado Lacorte, Maria Victoria Soriano Villadolid, at Maria Sophia Solidum-Taylor.
Itinalaga si Judge Cesar Aganon sa Makati RTC.
MANIBELA magkakasa ng libreng sakay sa Pasko at Bagong Taon
Kabilang sa iba pang bagong appointee sina Judge Maximino Ables, sa Sorsogon; Francisco de Guzman sa San Jose; at Mario Andres Jr. sa Bugason, Antique; Alma Banias-Delfin at Lorencito Diaz, sa RTC sa Roxas City; Judith Orendain-Tanogbanua, sa Mambusao, Capiz; Rose Edith Gautier Togonon, Ma. Theresa Enriquez-Gaspar at Judita Panigbatan-Nafarrete, sa RTC sa Iloilo City; at Edgar Tupas, sa RTC sa Bacolod City.
Itinalaga rin sina Judge Joselito Benedito, sa First Municipal Circuit Trial Court (MCTC) sa Pidigan-San Quintin-Langiden, Abra; at Camilo Oliva, sa MTC sa Claveria, Masbate. - Rey G. Panaligan
