NUEVA ECIJA— Patay sa engkuwentro ang dalawang suspek sa panghoholdap sa driver at pahinante ng delivery truck sa Barangay Villa Joson sa siyudad ng San Jose sa probinsiyang ito.
Kinilala ng pulisya ang mga suspek na sina Mark Popera ng Cagayan De Oro City at Jimboy Alayaay ng Negros Occidental.
Ayon sa pulisya, hinarang ng mga armado na lulan ng motorsiklo ang delivery truck at tinangay ang bag ng driver at pahinante nito.
Agad humingi ng tulong ang mga biktima sa awtoridad kaya’t naharang sa checkpoint ang mga suspek. Ngunit sa halip na sumuko ay nakipagbarilan umano ito sa mga pulis at napatay ang dalawa.
National
