Ang Bureau of Immigration (BI) ang magpapasya kung isasalang sa deportation proceedings ang German fiancé ng pinatay na transgender na si Jeffrey ‘Jennifer’ Laude matapos ang pag-akyat nito sa bakod ng Camp Aguinaldo at itulak ang isang sundalo, ayon kay Justice Secretary Leila de Lima.
Gayunman, kumbinsido si de Lima na may sapat na batayan ang deportation proceedings dahil ang ginawa ni Sueselbeck ay isang criminal offense at pambabastos sa mga awtoridad ngf Pilipinas.
Ilan aniya sa mga kaso na maaaring kaharapin ng Aleman ay assault, alarm and scandal o grave coercion dahil nagpilit itong pumasok sa isang kampo ng militar na isang restricted area.
