Iginiit ng testigo ng prosecution panel na si Armed Forces of the Philippines (AFP) Colonel Manaros Boransing II na wala siyang reaksiyon sa umano'y pagkakadawit ng ahensya nila sa confidential funds ng Department of Education (DepEd) noong 2023.
Sa naging interjection ni Senator-Judge Raffy Tulfo kay Boransing sa ika-20 araw ng impeachment trial nitong Martes, Setyembre 1, 2026, kinuwestiyon ng una ang salaysay ng huli na hindi umano sila nakatanggap ng pondo sa DepEd.
“Sinasabi n’yo na never kayong nakatanggap ng confi funds from DepEd para sa mga YLS activities ninyo…” ani Tulfo.
Tugon naman ni Boansing, “Yes, Sir, for the year 2023 which is the period cited in the certification.”
Sunod na tanong ni Tulfo, kung hindi raw ba raw kinuwestiyon ni Boransing o ng iba pang mga miyembro ng AFP ang paghingi ng sertipikasyon ng DepEd sa kanilang mga programang Youth Leadership Summit (YLS) at Information Education Communication (IEC) campaigns.
Sen. Alan, nag-interject sa prosecution lawyer; Sen. Chiz, sumingit!
“Noong humingi sa inyo ng certification para doon sa AOM ng DepEd, tinanong ka kanina kung ano ang reaksyon n’yo… pero did you at least, any from the military saying na, ‘Bakit ninyo kami dinamay diyan? Ba’t kayo humingi ng certification? Nagamit ninyo tuloy kami samantalang wala naman kaming kinalaman diyan sa confi funds n’yo, ‘di naman kami tumanggap. Why did you do that?’” anang senador.
Giit ni Boransing, personal daw siyang hindi nagkaroon ng reaksiyon sa naturang isyu dahil mas nakatutok daw sila sa gampaning protektahan ang kanilang area at operasyon.
“For me, personally, I had no reaction. We were preoccupied with the very important security matters in our area and operation, Sir,” pagtatapos ng testigo.
Kaugnay ito sa umano’y ₱15.54 milyong nagastos sa confidential funds ng DepEd bilang “reward” umano sa programang ikinasa ng AFP noon.
KAUGNAY NA BALITA: AFP, walang natanggap sa confidential funds ng DepEd—Testigo
KAUGNAY NA BALITA: 'It was an AI!' Escudero, nilinaw na walang suot na 'earpiece' si Ortonio
