Humirit si presiding officer at Senator-Judge Chiz Escudero sa hinaing ni private prosecutor Atty. Lorna Kapunan kaugnay sa pang-i-Indian umano ng defense panel sa prosecution noong nakaraang linggo.
Kaugnay ito sa nauna nang manipestasyon ni Kapunan sa Senate impeachment trial nitong Martes, Agosto 11, 2026, sa hindi umano pagsipot ng defense panel sa ikakasa sana nilang pagkukumpara sa kanilang 4,492 na mga dokumento sa mga araw ng Huwebes o Biyernes noong nakaraang linggo.
KAUGNAY NA BALITA: Atty. Lorna Kapunan, binira pang-Indian ng defense sa prosecution!
Depensa naman ni Atty. Kristine Ferrer, mula sa defense panel, hindi na raw nila kailangang aktuwal na ikumpara pa ang mga dokumento ng prosecution para lang maintindihan na magkatulad lang daw ang mga hawak nilang papel.
Sa pag-aawat naman ni Escudero, nilinaw niyang nag-isyu nga raw siya ng direktiba sa magkabilang-panig noong nakaraang linggo at hindi natuloy ang pagkikita ng mga ito sa anomang rason.
Atty. Lorna Kapunan, binira pang-Indian ng defense sa prosecution!
“Ako na ang magre-respond para sa iyo, Atty. Kapunan. That Chair did make issue an order for the parties to try to meet [on] Friday or Thursday. However, for any reason, lack of lawyers or inclement weather, that did not happen,” pagsisimula niya.
Hirit ni Escudero kay Kapunan, hindi raw “na-Indian” ng defense ang prosecution at baka raw “na-ghost” lang ang mga ito.
“Chair would like to correct, hindi kay Atty. Lorna in-Indian. Baka ginhost ka. Kasi hindi ka sinagot, e. Pero ‘di ka in-Indian. Wala namang pinag-usapang date pa, e,” aniya.
“In-ignore,” singit ni Kapunan.
Patutsada naman ng presiding officer, “Ghost na nga, e. Hindi na [uso]. Ghost na ‘yong bago ngayon.”
Hiling ni Escudero, dapat daw na magsumite ang defense ng pre-marked pieces of evidences mula sa defense panel, dahil may kopya na raw sila ng naturang mga dokumento mula sa prosecution.
“So the Chair would like to request the counsels for the respondent to kindly furnish the Court with the marked pieces of evidence during pre-trial. Kasi apparently meron kaming pre-mark pieces of evidence for prosecution, but not all the pre-marked pieces of evidence from the respondent,” ‘ika niya.
Pagpapatuloy ni Escudero, ang Korte o mga senator-judges na raw mismo ang magkukumpara ng mga dokumento ng prosecution at defense, kaya inatasan niyang makapagsumite ng mga naturang ebidensya ang huling panig ngayon ding araw o bukas, Miyerkules, Agosto 12.
“So that we can do the comparison ourselves. Either as a Court or through the individual of senator-judges,” pagtatapos niya.
Sumang-ayon naman dito si Ferrer.
KAUGNAY NA BALITA: KILALANIN: Si Xylene del Campo, ang ikapitong testigo ng prosecution!
