Isiniwalat sa publiko ng testigong kasalukuyang State Auditor sa Intelligence and Confidential Fund Audit Office (ICFAO) ng Commission on Audit (COA) na si Xylene del Campo ang ilang tala ng pinaggamitan umano ng confidential funds ng Office of the Vice President (OVP) noong Disyembre 2022.
Sa ikinasang ika-14 na araw na Senate impeachment trial nitong Martes, Agosto 11, 2026, kinuwestiyon ni private prosecutor Atty. Lorna Kapunan ang umano’y pinaglaanan ng confidential funds ng OVP noon.
Sa naturang tala kasi ng COA, mababasang naglaan ng pondo ang OVP sa isinagawang 2022 Partners Appreciation Night ng Department of Education (DepEd) sa Mandaluyong City, Metro Manila, noong Disyembre 13, 2022.
“Appreciation Night? Sa pagkakaintindi mo, confidential activity ba ‘yon o nasa listahan ba ‘yan ng confidential activities, base sa Joint Circular,” urirat ni Kapunan.
Direktang tugon naman ni Del Campo, “Based po doon sa enumeration kung saan gagamitin ang confidential funds, hindi po ito kasama doon.”
Ateneo sa pamilya Baterbonia: 'We remain here for them, whenever they are ready!'
Bukod pa rito, makikita rin sa tala at ebidensyang mula sa COA na naglaan din umano ang OVP ng pondo sa ginanap na Knights of Rizal Supreme Council - 60th year of the Institute sa Baguio City noon namang Disyembre 15, 2022.
“Compliant ba ito sa listahan?” tanong ng prosecutor.
Sagot ng testigo, “Based po sa Joint Circular, hindi po ito nakasama doon sa mga activities under 4.8 kung saan puwedeng gamitin ang confidential funds.”
Pagpapatuloy pa ni Del Campo, naglaan din umano ng pondo ang OVP sa mga ikinasang Christmas activities nila sa Happy Land at Extension Office Brgy. 101 sa Tondo, Consultation nito sa Chairman ng mga Barangay sa Maynila, Manila, at Pasasalamat o update meeting sa TODA sa Brgy. Batasan Hills, Quezon City noong Disyembre 17, 2022.
“Meron po dito December 17, 2022. Christmas activity in Happy Land Tondo, Manila, Christmas activity and exploration meeting of Extension Office Brgy. 101 in Tondo, Manila, Consultation with Brgy. Chairmen ng Maynila in Manila, Pasasalamat and update meeting TODA In Brgy. Batasan Hills, Quezon City,” aniya.
Pagpapatuloy ni Del Campo, idagdag pa raw ang mga coordination meeting, pasasalamat, tree planting, distribusyon ng mga wheelchairs, gift giving, medical mission, at iba pang mga aktibigan ng mga satellite offices ng OVP sa Pangasinan, Eastern Visayas, Cebu, Bohol, Siquijor, Panay, Negros Island, Surigao, at iba pa.
“May mga activity po dito na ‘Pasasalamat,’ coordination meeting, tree planting, distribution of wheelchairs, gift giving, medical mission, at iba pong activities ng mga satellite offices ng Office of the Vice President,” ‘ika niya.
Paliwanag ni Del Campo sa confidential funds, ito raw ay “lump sum amount na nasa General Appropriations Act na gagamitin for confidential activities ng isang ahensya.”
Pagtitiyak ng testigo, hindi raw kasama sa Joint Circular ng puwedeng paggamitan ng confidential funds ang mga nabanggit na okasyon at mga aktibidades ng OVP.
KAUGNAY NA BALITA: Atty. Lorna Kapunan, binira pang-Indian ng defense sa prosecution!
KAUGNAY NA BALITA: Senator-Judge Chiz kay Atty. Kapunan: 'Di ka na-Indian, baka na-ghost ka'
