Atty. Baligod sa pag-uurong ng kaso ni Trillanes sa 4 ex-soldiers: 'Okay lang'-Balita

Atty. Baligod sa pag-uurong ng kaso ni Trillanes sa 4 ex-soldiers: 'Okay lang'

Tinatanggap umano ng tumatayong abogado ng 18 ex-soldiers na si Atty. Levito “Levi” Baligod ang naging pag-uurong ni dating Sen. Antonio “Sonny” Trillanes IV sa apat na tumiwalag na miyembro ng naturang grupo.

Kaugnay ito sa inanunsyo ni Trillanes nitong Biyernes, Agosto 7, 2026, sa pag-uurong niya ng kaso sa apat na tumiwalag na ex-soldiers dahil nakikisimpatya raw siya, bilang isang sundalo, sa pagkawala ng kabuhayan at pananamantalang naranasan ng mga ito mula sa mga taong may maitim na politikal na layunin.

“Bilang dating sundalo, nagsisimpatya ako sa pinagdadaanan nila na dahil sa kawalan ng kabuhayan ay pinagsamantalahan sila ng mga taong may madilim na layuning political,” aniya.

KAUGNAY NA BALITA: 'Pinagsamantalahan sila!' Trillanes, inurong kaso sa 4 na tumiwalag sa 18 ex-soldiers

Sa naging pahayag ni Baligod sa panayam sa kaniya ng media nito ring Biyernes, sinabi niyang “okay lang” daw ang naturang pag-aatras ng kaso ni Trillanes dahil ang mga ito rin umano ang nagtrabaho para tumiwalag ang apat na miyembro ng grupo ng kaniyang mga kliyente.

“Okay lang. Kasi sila naman ang nagtrabaho nito para umatras sila, e. Okay lang ‘yon. Normal sa may mabigat ng problema,” pagsisimula niya.

Paliwanag ni Baligod, may mga naging aktuwal na pag-uusap at text messages naman daw sila ng apat na tumiwalag na ex-soldiers at handa niya raw itong ipakita sa ikakasa nilang press conference sa darating na Sabado, Agosto 8.

“May mga verbal kaming pag-uusap, meron ding text messages at ‘yan ay iniipon ko para maipakita ko bukas,” aniya.

Pagpapatuloy niya, personal daw ang pangunahing mga naging dahilan ng apat na tumiwalag na ex-soldiers at gusto na rin daw manahimik ng mga ito.

“Very personal kasi ‘yong rason nila. Ang una, sinasabi nila na takot na sila sa kanilang seguridad. Gusto na rin nilang manahimik kasi hirap ‘yong biyahe-biyahe pabalik [ng] Manila,” pagtatapos pa niya.

KAUGNAY NA BALITA: Atty. Baligod, 'naiintindihan' umano desisyong pagtiwalag ng 4 sa 18 ex-soldiers!

Gurong may kakumpetensya sa pagtitinda ng pastil, nag-death threat sa eskwelahan?

Umamin ang isang guro na siya ang nag-post online ng banta laban sa ilang opisyal at isang guro ng Dumangas National High School sa Iloilo, na naging dahilan upang suspendihin ang face-to-face classes noong Miyerkules, Agosto 5, 2026. Ayon sa Schools Division Office (SDO) ng Iloilo, inamin umano ng guro ang ginawa nito sa pakikipag-usap sa kinatawan ng Department of Education (DepEd). Sa naturang...

'Nakonsensya siguro!' Sen. Erwin, 'expected' na raw pagtiklop ng 4 ex-soldiers

Ibinahagi sa publiko ni Sen. Erwin Tulfo na inaasahan na raw niya ang posibilidad na mag-recant o bawiin ng ilang ex-soldiers ang kanilang mga sinabi at alegasyon sa joint affidavit. Kaugnay ito sa inilabas na ulat ng ng isang TV news station noong Huwebes, Agosto 6, 2026, sa naging recant ng apat na dating miyembro ng grupo 18 ex-soldiers at inilahad nilang napasama lang umano sila sa naturang...

DOLE, labor groups, employers nagkasundo sa panawagang i-lift TRO sa ₱85 taas-sahod

Idiniin ni Department of Labor and Employment (DOLE) Secretary Francis Tolentino na nagsanib-puwersa ang kanilang ahensya, mga labor group, at mga employer upang iapela ang pag-lift ng temporary restraining order (TRO) na ibinaba hinggil sa ₱85 wage increase para sa mga minimum wage earners sa National Capital Region (NCR). Sa pakikipanayam ni Sec. Tolentino sa media nitong Biyernes, Agosto 7,...

Atty. Baligod sa pag-uurong ng kaso ni Trillanes sa 4 ex-soldiers: 'Okay lang'

Atty. Baligod sa pag-uurong ng kaso ni Trillanes sa 4 ex-soldiers: 'Okay lang'

Inirerekomendang balita

Gurong may kakumpetensya sa pagtitinda ng pastil, nag-death threat sa eskwelahan?

'Nakonsensya siguro!' Sen. Erwin, 'expected' na raw pagtiklop ng 4 ex-soldiers

DOLE, labor groups, employers nagkasundo sa panawagang i-lift TRO sa ₱85 taas-sahod

Features

Opinyon