Direktang tumirada sa Senate impeachment court si private prosecutor Atty. Lorna Kapunan na hindi “scam” at hindi raw “prima facie evidence” ang naging paggasta umano ng pondong ginamit para sa personal na benepisyo.
Sa naging direct examination ni Kapunan sa testigong si dating state auditor sa Intelligence and Confidential Funds Audit Office (ICFAO) ng Commission on Audit (COA) Atty. Roderick Wamil sa ika-12 araw ng impeachment trial nitong Martes, Agosto 14, 2026, kinuwestiyong ng prosecutor si Wamil tungkol sa depinisyon ng “prima facie evidence.”
“So you said here that if an accountable officer, kapag hindi na-explain ng isang accountable officer ang paggamit ng public funds, kagaya ng paggamit ng confidential funds, merong tinatawag na prima facie evidence,” pagsisimula niya.
Dagdag pa niya, “Anong tawag doon, ‘presumption’? Presumption ng ano?”
Paglilinaw ni Wamil, tumutungkol daw ang “prima facie evidence” sa naging pagkabigo ng isang accountable officer na ma-liquidate ng maayos ang naging paggasta nila sa nalikok na pondo.
Palasyo, idiniing nabebenepisyuhan ng pamahalaan ang middle class sector
“Under 8.3, presumption na ‘yong fund po ay na-convert into personal use or benefit,” paliwanag niya.
Urirat naman ni Kapunan “Presumption na na-convert for personal use or benefit? Applicable dito sa sinabi mo?”
Agad naman sumingit si Atty. Michael Poa, mula sa defense panel, sa pagtatanong ni Kapunan at idiniin niyang “cause for conclusion” ang naging pagsisiyasat ng huli.
“Cause for conclusion. Your Honor, all these matters are pending,” ani Poa.
“Sustained,” tugon ng presiding officer na si Senator-Judge Chiz Escudero.
Buwelta naman ni Kapunan, personal niya raw itong matatawag na “scam” at hindi “prima facie evidence.”
“Your Honor, please, ang tawag ko lang doon, hindi prima facie evidence. Kung ako ang tatanungin, scam ito,” tirada niya.
“Move to strike, Your Honor. Move to strike. That is out of order,” mariing pag-alma ni Poa.
“So stricken from the record. No further questions. Direct examinations are completed,” pagitna naman ni Escudero.
KAUGNAY NA BALITA: Susulpot o palusot: Prosecution, pasisiputin si Mary Grace Piattos?
KAUGNAY NA BALITA: Patty Ting, Mico Harina, Andy Lim at iba pa, pirmado sa resibo ng OVP!
