Cardinal Ambo, kinuwestiyon totoong pakinabang ng Pax Silica-Balita

Cardinal Ambo, kinuwestiyon totoong pakinabang ng Pax Silica

Bumoses na rin si Kalookan Bishop Cardinal Pablo “Ambo” Virgilio David kaugnay sa pinaplanong pagtatayo ng AI data center sa Tarlac bilang bahagi ng Pax Silica Initiative ng Amerika.

Ayon sa U.S. Department of State, ang Pax Silica ay inisyatibo nila para sa artificial intelligence (AI) at supply chain security.U.S. Department of State.

Maki-Balita: ‘Perwisyo o benepisyo?’ Mga dapat malaman tungkol sa Pax Silica

Sa latest Facebook post ni Cardinal Ambo nitong Biyernes, Hulyo 31, sinabi niyang hindi umano ang sariling interes ng mga bansang miyembro ng Pax Silica Initiative ang totoong isyu rito.

Aniya, "The question for the Philippines is different. Will Pax Silica help build Filipino scientific capability, technological innovation, and industrial resilience?"

"Or will it primarily serve the strategic interests of others while Filipinos provide the land, natural resources, water, energy, tax incentives, and labor?" dugtong pa ni Cardinal Ambo.

Ayon sa cardinal, lehitimong tanong daw ang mga ito. Hindi dahil tinututulan nila ang foreign investment kundi dahil pinapalakas dapat ng genuine partnership ang bansang magiging host ng naturang proyekto.

Samantala, mas malalim na tanong naman ang sinusubukang usisain ng simbahan.

Binanggit ni Cardinal Ambo ang paalala ni Pope Leo XIV sa Magnifica Humanitas na ang teknolohiya dapat ay nagsisilbi sa sangkatauhan at hindi dapat pinagsisilbihan.

Gayundin ang sinabi ng Santo Papa sa “Fratelli Tutti” na hindi maitatayo ang hinaharap ng sangkatauhan sa lohika ng pakikipagtunggali lang sa mga pambansang interes.

Kaya ang tunay na tanong–ayon kay Cardinal Ambo—ay hindi lang kung mapapalakas ng Pax Silica ang ekonomiya o magiging mas makapangyarihan ang AI.

“The real question is whether it will help build what Pope Leo calls a civilization of love rather than a culture of power—a future in which technological progress serves human dignity, social fraternity, care for our common home, and peace among nations,” anang cardinal.

Matatandaang tahasang tinutulan ng grupo ng mga scientist ang Pax Silica. Sa katunayan, isa-isa nilang pinabulaanan ang mga pahayag ng Bases Conversion and Development Authority (BCDA) kaugnay sa potensyal na epekto ng naturang proyekto.

Maki-Balita: Grupo ng mga scientist, inalmahan ang Pax Silica

Pinaniniwalaang Satanismong ritwal, ginawa umano sa loob ng paaralan sa Iloilo!

Naghahanda ng kaukulang intervention ang Schools Division Office (SDO) ng Iloilo para sa mga estudyanteng pinaniniwalaang sangkot sa umano’y satanismong ritwal sa loob ng kanilang paaralan. Ayon sa mga ulat, natagpuan ang ilang vandals sa sahig at dingding ng isang classroom habang mapapansin din ang umano’y marka ng tulo ng mga kandila at maging ilang laman-loob at dugo ng manok. Batay pa sa...

‘Fusion Alley’ sa Maynila, paspasang nilinis!

Dali-daling nakipagtulungan sa Manila local government unit (LGU) ang mga nagtitinda sa “Fusion Alley” sa Sampaloc, Maynila ngayong Biyernes, Hulyo 31, kasunod ng babala ni Mayor Isko Moreno, na ipasasara ito kapag nakita niyang makalat at “dugyot” ang paligid dito. Makikita sa Facebook page ni Domagoso na 1:30 pa lang ng madaling araw, sinimulan na ang paghahakot ng mga basura sa Fusion...

Trillanes, sinagot si VP Sara sa ‘ICC tuta’ isyu: 'Nahihibang na talaga!'

Tumirada si dating senador Antonio “Sonny” Trillanes IV laban sa paratang ni Vice President Sara Duterte na tuta umano niya, kasama si Pangulong Ferdinand “Bongbong” Marcos, Jr., ang International Criminal Court (ICC). Matatandaang inihayag ito ni VP Sara sa naging pagdalo niya sa ikinasang “Free Duterte” rally ng Filipino community (FilCom) sa The Hague, Netherlands, noong Miyerkules,...