'Ang ICC ay tuta ni Trillanes at ni Marcos!'

'Ang ICC ay tuta ni Trillanes at ni Marcos!'—VP Sara

By Mc Vincent Mirabuna

July 30, 2026

Pumatutsada si Vice President Sara Duterte na tuta umano nina dating senador Antonio “Sonny” Trillanes IV, at Pangulong Ferdinand “Bongbong” Marcos, Jr., ang International Criminal Court (ICC).

Kaugnay ito sa naging pagdakip ng ICC sa kaniyang amang si dating Pangulong Rodrigo Duterte dahil umano’y naging paglabag nito sa crimes against humanity sa implementasyon ng programang Oplan Tokhang o War on Drugs noong nakaraang administrasyon.

KAUGNAY NA BALITA: 'Whether good or bad:' VP Sara, idiniing 'di crimes against humanity 'Drug War' ni FPRRD!

Sa pahayag ni VP Sara sa naging pagdalo niya sa ikinasang “Free Duterte” rally ng Filipino community (FilCom) sa The Hague, Netherlands, noong Miyerkules, Hulyo 29, 2026, hinambing niya sina Trillanes at PBBM bilang mga traydor daw sa Pilipinas at sa mga Pilipino.

“How do we characterize Trillanes and Marcos in relation to [the] ICC? Yes, they are traitors to the Filipino and to the country. But more than that, ang ICC ay tuta ni Trillanes at ni Marcos,” pagsisimula niya.

Dagdag pa niya, “Because the ICC has no other case except for the case of President Rodridgo Duterte. And they found Marcos, Trillanes, and money in the Philippine case.”

Ani VP Sara, pera o maleta lang daw ang pinag-uusapan tungkol sa naging pagdakip kay FPRRD at wala umanong tunay na katarungan iyon para sa mga Pilipino.

“Maleta ang pinag-uusapan dito. So where is the justice in all these? There are no justice in the Philippines, there is no justice for the Filipino, and there is no justice for former President Rodrigo Duterte,” aniya.

“‘Oh, we have an Asian now. We’re done with the blacks, let’s go to the Asians. To hell with the whites, we cannot go after them. Let’s go after this one person who has [been]delivered by Marcos to us,’” tirada pa ng bise presidente.

Samantala, habang sinusulat ito, wala pa namang inilalabas na tugon, reaksyon, o pahayag sina Trillanes at ang Pangulo kaugnay rito.

KAUGNAY NA BALITA: 'Fox Silica?' VP Sara, tiklop sa usapin ng Pax Silica

2-anyos na batang nawawala, naaagnas na nang natagpuan!

Natagpuang wala nang buhay ang dalawang taong gulang na batang lalaki na pitong araw nang nawawala sa Barangay Camayahan, Butuan City, noong umaga ng Miyerkules, Hulyo 29, 2026. Ayon sa paunang ulat, dakong 10:30 ng umaga noong Hulyo 29 nang matagpuan ang bangkay ng bata sa isang masukal na bahagi ng barangay. Mismong may-ari umano ng lupa ang nakadiskubre sa mga labi habang papunta sa lugar...

Tubig sa Angat Dam, umangat bunsod ng LPA

Tumaas sa 154.33 meters ang lebel ng tubig sa Angat Dam nitong 8:00 ng umaga ng Huwebes, Hulyo 30, matapos ang pagbuhos ng ulang dala ng Low Pressure Area (LPA), batay sa ulat ng Philippine Atmospheric, Geophysical and Astronomical Services Administration (PAGASA). Mas mataas ito ng humigit-kumulang 3.5 meters kung ikukumpara sa talang 150.85 noong Miyerkules ng umaga, Hulyo 29. Gayunpaman, hindi...

Tatay, arestado matapos buntisin at abusuhin anak niyang menor de edad!

Naaresto ng mga awtoridad ang isang 51-anyos na lalaki na nahaharap sa apat na bilang ng kasong qualified rape matapos umanong paulit-ulit na halayin ang sarili niyang menor de edad na anak at mabuntis ito sa Santa Rosa City, Laguna noong 2025. Isinagawa ng mga operatiba ng Regional Intelligence Division (RID) ng Calabarzon Police ang pagdakip sa suspek sa Barangay Baybay Sur, Miagao, Iloilo,...