System loss charge, huwag nang ipasa sa consumers!

System loss charge, huwag nang ipasa sa consumers!—Diokno

By Vincent Gutierrez

July 29, 2026

Tahasang ipinahayag ni Akbayan Party-list Rep. Chel Diokno na hindi na umano dapat ipasa sa mga konsyumer ang naitatalang system loss charge ng power distribution companies.

Kasunod ito ng pag-ugong ng usapin ukol sa pagtatanggal ng system loss charges matapos itong mabanggit ni Pangulong Ferdinand “Bongbong” Marcos, Jr. sa kaniyang ikalimang State of the Nation Address (SONA) noong Lunes, Hulyo 27.

"Hindi naman kasalanan ng consumer kung bakit nagkaroon ng systems loss. Kaya hindi naman tama na sila pa ang pagbabayarin dito,” saad ni PBBM sa kaniyang SONA kamakailan.

MAKI-BALITA: 'We demand!' PBBM, pinatatanggal na ang system loss charge sa singil sa kuryente-Balita

Sa ibinahaging pahayag ni Rep. Diokno noong Martes, Hulyo 28, ipinanawagan din niya sa mga kompanya ng kuryente na huwag nang hintayin pa ang pag-amyenda sa Electric Power Industry Reform Act (EPIRA) upang mapigilan na ang pagpapasa ng system loss charges sa kani-kanilang mga konsyumer.

Aniya, “Nanawagan tayo sa lahat ng power distribution companies, kabilang ang Meralco: Huwag nang hintayin ang pag-amyenda sa Electric Power Industry Reform Act (EPIRA).”

“Kaya niyo nang itigil ngayon ang pagpasa ng system loss charge sa mga consumers,” dagdag pa niya.

Giit ng kongresista, hindi dapat sambayanan ang sumasalo sa bayaring inaabot ng nawala o nanakaw na kuryente.

“Hindi dapat pinapabayaran sa taumbayan ang kuryenteng nawala o nanakaw. Kailangan ng mga pamilya ng agarang ginhawa sa kanilang electric bill,” anang kongresista.

Photo courtesy: Chel Diokno/FB

Sa hiwalay na pahayag ng grupong Akbayan, ipinagdiinan nila noong mismong araw ng SONA na ang pagtatanggal ng system loss charges ay hindi isang biyaya na mula sa pamahalaan.

“Ang pahayag ni Pangulong Ferdinand “Bongbong” Marcos Jr. sa kayang ikalimang SONA na dapat nang alisin ang systems loss sa Meralco bills ay hindi kusang loob na biyaya ng pamahalaan. Ito ay bunga ng matagal at matatag na laban ng mamamayan sa hindi makatarungan at pabigat na singil sa kuryente. Ito ay inisyal na tagumpay ng mamamayan, hindi regalo ng pamahalaan,” saad ng Akbayan sa kanilang pahayag.

MAKI-BALITA: Akbayan sa pahayag ni PBBM na tanggalin systems loss: 'Hindi kusang-loob na biyaya ng pamahalaan!'-Balita

Sen. Ping sa 'malicious,' 'delicious' ni Sen. Alan: 'Bumigay na yata!'

Pumatutsada si Sen. Panfilo “Ping” Lacson laban sa naging pahayag tungkol sa naging pagpapakahulugan sa salitang “malicious” ni Sen. Alan Peter Cayetano noong Martes, Hulyo 28, 2026. Matatandaang sinabi ni ni Cayetano na tinatanggap niya ang mga ibinabatong paratang ni Lacson laban sa kaniya tungkol sa isinumite ng huli na mga ebidensya sa umano’y ghost infrastructure project sa Taguig...

'Nalulungkot ako!' Sen. Marcoleta, tumiradang kasama niyang nakakulong taumbayan

Bumanat si Sen. Rodante Marcoleta kaugnay sa kalungkutan umano niya at hindi lang daw siya ang nakakulong kundi pati na rin ang taumbayan. Sa naging pahayag ni Marcoleta sa panayam sa kaniya ng media noong Martes, Hulyo 28, sinabi niyang nalulungkot daw talaga siya sa kaniyang pagkakapiit sa kulungan. “Nakakalungkot talaga. Nalulungkot ako sapagkat hindi lang ako ang nakakulong. Ang...

#BalitangPanahon: LPA, easterlies nagpapa-ulan sa Luzon

Ibinahagi ng Philippine Atmospheric, Geophysical and Astronomical Services Administration (PAGASA) na dalawang weather system ang nagpapaulan sa malaking bahagi ng Luzon nitong Miyerkules, Hulyo 29. Ang mga weather system na ito ay ang low pressure area (LPA) at easterlies, o mainit na hanging nagmumula sa Pacific Ocean. Base forecast ng PAGASA bandang 5:00 ng umaga, ang LPA ay huling namataan...