PBBM may pahaging sa SONA: 'Abangan ang susunod na kabanata'-Balita

PBBM may pahaging sa SONA: 'Abangan ang susunod na kabanata'

By Mc Vincent Mirabuna

July 24, 2026

Tila nagbiro si Pangulong Ferdinand “Bongbong” Marcos, Jr., na abangan umano ng publiko “ang susunod na kabanata” kaugnay sa usapin ng korapsyon sa nakatakda niyang State of the Nation Address sa Lunes, Hulyo 27, 2026.

Matatandaang ang katagang “mahiya naman kayo” ni PBBM ang isa sa mga tumatak na linya niya sa nakaraan niyang SONA noong Hulyo 28, 2025, kung saan binira niya ang mga sangkot sa maanomalyang flood control projects sa ahensya ng Department of Public Works and Highways (DPWH).

KAUGNAY NA BALITA: SONA ni PBBM ‘kulminasyon,’ ‘resolusyon’ sa lahat ng komplikasyon—SILG Remulla

Sa pahayag ni PBBM sa panayam sa kaniya ng media nitong Biyernes, Hulyo 24, sinabi niyang hindi pa raw siya tapos sa pagsusulat ng kaniyang mga sasabihin sa ikalima niyang SONA.

Giit ng Pangulo, naiisip nga raw niyang baka baguhin pa niya ang kaniyang mga naisulat kahit sa pagdating ng isang oras bago magsimula ang kaniyang pagharap sa publiko sa Lunes, sa kagustuhan niyang maging perpekto ito.

“I [am not] done. I think one hour before the SONA, I’m still changing it. Because, of course, I want it to be perfect,” pagsisimula niya.

Paglilinaw naman ni PBBM, aabot na sa mahigit 90 porsyento ang mga sinulat niyang sasabihin sa SONA at inaayos na lang umano nila ito upang masiguradong hindi magiging masyadong mahaba o maiksi ang kaniyang iuulat sa publiko.

“On the whole, yes. I would say the actual language is 90 plus percent done. We’re just fixing it up and making sure that’s not too long or not too short, that everything we want to talk about is already included,” aniya.

Samantala, hindi naman na direktang sinagot ng Pangulo ang tanong sa kaniya ng media kung may bago siyang isisiwalat sa publiko kaugnay sa mga korapsyon sa bansa, kagaya ng naging kontrobersyal niyang SONA noong Hulyo 2025.

“Abangan ang susunod na kabanata,” pagtatapos niya.

KAUGNAY NA BALITA: PBBM, sinupalpal mga korap sa flood control project: 'Mahiya naman kayo!'

KAUGNAY NA BALITA: Kamara, ready na sa ikalimang SONA ni PBBM

DepEd, hiring ng 10,000 school counselors para sa mental health ng mga estudyante!

Sinimulan na ng Department of Education (DepEd) ang nationwide hiring para sa 10,000 posisyon ng School Counselor Associate I bilang bahagi ng pagpapalakas ng mental health at psychosocial support para sa mga mag-aaral sa mga pampublikong paaralan. Ayon sa DepEd, ang pagbubukas ng mga bagong posisyon ay kasunod ng pagpapatupad ng DepEd Order No. 019, s. 2026, na nagpatibay sa qualification...

SK counselor arestado sa pagsapak sa kanilang Kapitana!

Arestado ang isang 25-anyos na babaeng Sangguniang Kabataan (SK) councilor matapos umanong suntukin ang kanilang 52-anyos na barangay captain habang isinasagawa ang isang mediation sa Barangay Hall ng Barangay Dugoan, Sibonga, Cebu, noong hapon ng Huwebes, Hulyo 23. Ayon sa Sibonga Municipal Police Station, nagsimula ang insidente sa alitan sa pagitan ng ina ng SK councilor at ng kaniyang bayaw...

Kahandaan ng PNP sa SONA: 'Almost 100% na tayo!'

Isiniwalat ng Philippine National Police (PNP) na malapit nang matapos ang paghahanda ng mga awtoridad para sa nalalapit na State of the Nation Address (SONA) ni Pangulong Ferdinand “Bongbong” Marcos, Jr. sa darating na Lunes, Hulyo 27. Batay sa pakikipanayam ni PNP spokesperson Allen Rae Co sa media nitong Biyernes, Hulyo 24, ikakasa ang ilang adjustment depende sa magiging sitwasyon ng...