Atty. Kapunan sa susunod na trial: 'Magdala kayo ng piattos, ensaymada!'-Balita

Atty. Kapunan sa susunod na trial: 'Magdala kayo ng piattos, ensaymada!'

By Mc Vincent Mirabuna

July 24, 2026

Pumatutsada ang private prosecutor at legal counsel ng House prosecution panel na si Atty. Lorna Kapunan na magdala o kumain ng piattos at ensaymada ang publiko sa susunod na Senate impeachment trial.

Matatandaang ang pangalang “Mary Grace Piattos” ang isa sa mga kontrobersyal na nakatakda umanong tatayo bilang testigo ng prosecution team para sa impeachment trial laban kay Vice President Sara Duterte.

Kasama kasi ang naturang pangalan sa listahan ng mga resibong isinumite ng Office of the Vice President (OVP) noon sa Commission on Audit (COA) para sa liquidation nila sa maanomalyang ₱125 milyong na confidential funds na naubos umano sa loob umano ng 11 na araw noong Disyembre 2022.

KAUGNAY NA BALITA: Pagiging totoo o 'di totoo ni 'Mary Grace Piattos,' smoking gun sa impeachment—Ridon

Sa naging pahayag ni Kapunan sa panayam sa kaniya ng isang TV station noong Huwebes, Hulyo 23, 2026, sinabi niyang magiging masaya umano ang kasunod na impeachment trial na nakapetsa sa darating na Hulyo 29.

Paalala ni Kapunan, bumili at magdala ang publiko ng popular na potato chip brand na “piattos” at ensaymada upang malibang ang mga ito sa panonood ng kasunod na pagdinig sa Korte.

“Bumili na lang kayo—ang gawin n’yo para ma-entertain kayo, magdala kayo ng piattos,” pagsisimula niya.

Pahabol pa niya, “At saka ensaymada.”

Pagpapatuloy ni Kapunan, makatutulong daw ang mga nabanggit na pagkain upang hindi magutom ang publiko sa mga susunod na mga testimonya sa loob ng Korte laban kay VP Sara.

“Para hindi kayo magutom sa haba ng testimonya,” pagtatapos pa niya.

Kasunod nang magiging sentro ng usapan sa impeachment court ang Article I ng Articles of Impeachment na nakatuon sa umano’y culpable violation sa Konstitusyon, graft and corruption, at betrayal of the public trust ng Bise Presidente, kaugnay sa alegasyong misuse and irregular disbursement ng confidential funds ng OVP noon.

Nakatakdang iharap ng prosecution team ang mga testigo nilang dating mga branch manager ng Land Bank of the Philippines (LandBank) na sina Violeta Constantino at Nenita Camposano.

KAUGNAY NA BALITA:Resbak ni Castro kay Padilla: Pag convicted ng crime, dapat di ka na maging senator-judge?

Kahandaan ng PNP sa SONA: 'Almost 100% na tayo!'

Isiniwalat ng Philippine National Police (PNP) na malapit nang matapos ang paghahanda ng mga awtoridad para sa nalalapit na State of the Nation Address (SONA) ni Pangulong Ferdinand “Bongbong” Marcos, Jr. sa darating na Lunes, Hulyo 27. Batay sa pakikipanayam ni PNP spokesperson Allen Rae Co sa media nitong Biyernes, Hulyo 24, ikakasa ang ilang adjustment depende sa magiging sitwasyon ng...

Misis na 'di sumama pauwi, halos maputol ang ulo matapos tagain ng ‘sab*g’ na mister!

Patay ang isang 20-anyos na babae matapos umanong pagsasaksakin at pagtatagain ng kanyang sariling asawa sa Barangay Salaan, Zamboanga City. Kinilala ng mga awtoridad ang biktima bilang si Roselyn Dela Cruz, na nagtamo ng matitinding sugat sa iba't ibang bahagi ng katawan. Ayon sa pulisya, idineklara siyang dead on arrival dahil sa grabeng tinamong pinsala sa kaniyang leeg kung saan halos...

DENR, itinuturing na ‘growing threat’ pagdami ng gumagalang pusa sa Mt. Apo

Itinuturing na “growing threat” ng Department of Environment and Natural Resources (DENR)-Davao Region ang pagdami ng gumagalang “feral cats” sa native wildlife ng Mt. Apo. Batay sa inilabas na pahayag ng DENR noong Huwebes, Hulyo 23, bagama’t “skilled predators” ang mga pusang ito, nakadaragdag sila sa banta ng mga hayop na naninirahan at naghahanap ng pagkain sa kagubatan ng Mt....