'Kung inosente ka, bakit ka aatras?’ Atty. Lorna Kapunan, binira si VP Sara!-Balita

'Kung inosente ka, bakit ka aatras?’ Atty. Lorna Kapunan, binira si VP Sara!

By Mc Vincent Mirabuna

July 16, 2026

Bumuwelta ang private prosecutor ng House of the Representatives na si Atty. Lorna Kapunan laban kay Vice President Sara Duterte kaugnay sa pagdidiin daw ng huli na walang sapat na ebidensya ang prosecution kaugnay sa mga alegasyon nito sa tax at bank records ng Pangalawang Pangulo at ang mister nito na si Atty. Manases “Mans” Carpio.

Matatandaan kasing naglabas ng pahayag si VP Sara noong Hulyo 13, 2026, kung saan sinabi niyang nasaksihan umano ng mga Pilipino ang matagal na niyang sinasabi hinggil sa complaint laban sa kaniya.

“On Day 4 of the impeachment trial, the country witnessed what I have been saying all along: the complaint is not supported by evidence,” saad ni VP Sara.

KAUGNAY NA BALITA: Impeachment complaint, ‘di suportado ng ebidensya—VP Sara

Batay naman sa naging pahayag ni Kapunan sa isinagawa nilang press conference noong Miyerkules, Hulyo 15, 2026, kinuwestiyon niya ang pagkontra ng kampo ni VP Sara sa pagprepresenta ng prosecution ng mga ebidensyang may kaugnayan sa bank records ng huli sa Senate impeachment court.

“I think the Vice President has recently been said the prosecution is all ingay lang, ‘no, wala naman talagang ebidensya,” pagsisimula niya.

Dagdag pa niya, “She has said in interviews has no evidence. And yet none of our presenting evidence, who is blocking th evidence? Who is blocking the presentation of the bank records? Who is blocking the presentation of the BIR records? Who is blocking all relevant evidence?”

Ani Kapunan, wala raw ibang pinakamagandang lugar kundi ang impeachment court para ilatag ng prosecution, sa sarili nilang paraan, ang mga ebidensiya laban kay VP Sara at hahayaan naman daw nila ang defense panel kung paano nito dedepensahan ang kanilang kliyente.

“Really, this is the impeachment court, this is the time to present evidence. How the prosecution wants to prove its case is up to the prosecution. How the defense to prove this case on their own case, we will leave it to them,” aniya.

“Lastly, if you are innocent, bakit ka aatras?” pagtatapos pa niya.

Samantala, habang sinusulat ito, wala pa namang inilalabas na pahayag, tugon, o reaksyon si VP Sara o ang kampo niya kaugnay rito.

KAUGNAY NA BALITA: Ridon sa defense sa pagbubukas ng tax records ni VP Sara: 'Kung takot... baka may tinatago!'

US Pres. Trump, ipapaalam kay Chinese Pres. XI Jinping 'concerns' ng Pilipinas—Palasyo

Tiniyak ni US President Donald Trump kay Pangulong Bongbong Marcos Jr. na ipapaalam niya ang 'concerns' ng Pilipinas sa kaniyang susunod na pakikipagpulong kay Chinese President Xi Jinping, ayon sa Malacañang. Sa isang pahayag nitong gabi ng Huwebes, Hulyo 23, sinabi ng Malacañang na nagkausap sa telepono sina Marcos at Trump kung saan tinalakay nila ang kasalukuyang pandaigdigang...

2 PH Navy na pinukpok sa ulo ng CCG, makatatanggap ng tig-₱100k!

Inanunsyo ng Malacañang na pagkakalooban ng tig-₱100,000 na tulong pinansyal ang dalawang miyembro ng Philippine Navy na nasugatan sa naganap na insidente sa Ayungin Shoal. Ayon sa Palasyo, ang ayuda ay bilang pagkilala sa sakripisyo at serbisyo ng dalawang Navy personnel na nasaktan habang ginagampanan ang kanilang tungkulin sa pinag-aagawang bahagi ng West Philippine Sea. Hindi pa naglabas ng...

Atty. Taran ng KWF, panatag sa epekto ng AI data centers sa mga katutubong wika

Inihayag sa publiko ni Punong Komisyoner ng KWF Atty. Marites Barrios-Taran na hindi raw dapat mag-alala ang publiko banta ng paglaganap ng mga Aritificial Intelligence (AI) data centers sa kalikasan sa bansa at magiging epekto nito sa pananatili ng katutubong wika. Partikular dito ang tinatawag na “Pax Silica,” na ayon sa United States (US) Department of Stete ay isang para sa artificial...