Bukod sa impeachment charges, kasong sedisyon vs VP Sara, pending pa rin

Bukod sa impeachment charges, kasong sedisyon vs VP Sara, pending pa rin—DOJ

By Mc Vincent Mirabuna

July 13, 2026

Inilahad sa publiko ni Department of Justice (DOJ) Sec. Fredderick Vida na pending pa rin daw sa kanilang tanggapan ang kasong sedisyon laban kay Vice President Sara Duterte bukod pa raw sa kinakaharap ng huli sa Senate impeachment trial.

Matatandaang nagsampa ang National Bureau of Investigation (NBI) noong Pebrero 12, 2025, ng mga reklamong inciting to sedition at grave threats laban kay VP Sara kaugnay umano sa pagbabanta ng huli sa buhay nina Pangulong Ferdinand “Bongbong” Marcos, Jr., First Lady Liza Marcos, at Leyte 1st District Representative at dating House Speaker Martin Romualdez noong Nobyembre 23, 2025 at mga sumunod pa.

Nitong Hulyo, 6, 2026, opisyal namang nagsimula ang Senate impeachment trial laban kay VP Sara at unang pinag-usapan dito ang naturang naging mga pagbabanta ng Bise President sa buhay ng mga banggit, na nakasaad sa Article IV ng Articles of Impeachment.

Sa naging pahayag naman ni Vida sa panayam sa kaniya ng media nitong Lunes, Hulyo 13, 2026, nilinaw niyang ibang proseso pa raw ang dinidinig sa impeachment trial laban kay VP Sara.

“Tingnan din natin nang maigi. ‘Yong impeachment process ay ibang proseso. Ang proseso niyan ay para mapanagot ang isang impeachable officer kapag merong basehan,” pagsisimula niya.

Dagdag pa niya, “‘Yan nga ‘yong dinidinig ngayon ng impeachment court natin, ang Senado.”

Ani Vida, iba naman daw ang prosesong dinadaan ng mga kasong may pananagutang kriminal sa batas na saklaw ng DOJ at tiniyak niyang gagampanan daw nila batay sa kanilang tungkulin.

“Sa Department of Justice, ang pananagutan ng mga kriminal ay base sa pananagutan ng kriminal na batas at ‘yan ay may hiwalay na paglalakbay,” aniya.

“Ang pag-aaral ng Department of Justice sa ating mga panel o prosecutors para dito ay may hiwalay na biyahe. Gagawin namin nang ayon sa aming kakayahan,” pagtatapos pa niya.

Samantala, hindi naman kinumpirma ni Vida kung nasaang yugto na ang kasong sedisyong isinampa NBI sa kanila laban kay VP Sara.

KAUGNAY NA BALITA: 'Pagkontrata sa mamamatay-tao' ni VP Sara 'di normal, 110% betrayed public trust!’—Prosecution

KAUGNAY NA BALITA: 'Threat is a threat:' De Lima, kinudang walang 'such thing' na conditional threat!

Atty. Poa, pinaliwanag matipid na sagot ni VP Sara sa mga puna

Nagbigay ng reaksiyon ang legal counsel ni Vice President Sara Duterte na si Atty. Michael Poa kaugnay sa matitipid na tugon ng kliyente niya sa mga akusasyong ibinabato laban dito. Sa isang episode ng “Kapuso Mo, Jessica Soho Podcast” kamakailan, nabigyan ng pagkakataon si Poa para ipaliwanag ang panig ni Duterte. Kabilang sa mga naitanong sa legal counsel ng Bise Presidente ay ang naging...

Kawatan, tiklo matapos maligo sa bahay na pagnanakawan niya!

Arestado ang isang lalaking magtatangka sanang magnakaw sa loob ng isang bahay sa Tarlac matapos siyang maispatang naliligo bago umano isakatuparan ang maitim niyang balak. Ayon sa mga ulat, mahimbing na natutulog ang may-ari n bahay na pinasok ng suspek, nang bigla umano siyang nakarinig ng mga patak ng tubig mula sa kanilang banyo. Bunsod nito, nagdesisyon siyang silipin ang ingay dahil oras na...

Ridon sa defense sa pagbubukas ng tax records ni VP Sara: 'Kung takot... baka may tinatago!'

Bumuwelta ang House prosecutor na si Bicol Saro Partylist Rep. Terry Ridon sa pagkontra ng defense panel sa mosyon ng prosecution na mabuksan ang tax records ni Vice President Sara Duterte. Sa ikaanim kasing araw ng Senate impeachment trial nitong Miyerkules, Hulyo 15, 2026, nakatakdang siyasatin sa loob ng Korte ang Article II ng Articles of Impeachment laban kay VP Sara. Sumesentro sa naturang...