'Pagkontrata sa mamamatay-tao' ni VP Sara 'di normal, 110% betrayed public trust!’

'Pagkontrata sa mamamatay-tao' ni VP Sara 'di normal, 110% betrayed public trust!’—Prosecution

By Mc Vincent Mirabuna

July 07, 2026

Tumirada ang prosecution sa impeachment trial na 110% o malinaw raw na hindi normal at pagsira sa tiwala ng publiko ang umano’y mga naging pagbabanta ni Vice President Sara Duterte sa buhay ng Pangulong Ferdinand “Bongbong” Marcos, Jr. at iba pa.

Sa ikalawang araw kasi ng Senate impeachment trial laban kay VP Sara nitong Martes, Hulyo 7, 2026, nagawang iprisenta sa Korte ang mga kopya ng naging pagbabanta ng Bise Presidente sa buhay nina PBBM, First Lady Liza Marcos, at Leyte 1st District Representative at dating House Speaker Martin Romualdez noong Nobyembre 23, 2024, at mga sumunod pa.

Sa naturang pagdinig, nagawang tanungin ni Senator-Judge Risa Hontiveros ang prosecution kung bakit naging mabigat daw na dahilan ang umano’y mga naging pagbabanta ni VP Sara para ma-impeach ito sa kaniyang puwesto.

Depensa naman ng private prosecutor na si Atty. Amando Ligutan, idiniiin niyang ipinapakita raw ng mga umano’y naging pagbabanta ni VP Sara na planado o may sistema na raw talaga ang plano nitong pagpatay kina PBBM at iba pa.

Ani Ligutan, hindi raw normal ang pagkontrata sa “mamamatay-tao” ni VP Sara para ipapatay sina PBBM at iba pa.

Dagdag pa niya, iyon land din daw ang unang beses na may nagbanta sa buhay ng Pangulo sa kasaysayan ng bansa.

“‘Yong pagbabanta ng Bise Presidente sa buhay ng Pangulo ng Republika ng Pilipinas, hindi po ‘yan normal. ‘Yan po ay unang pagkakataon na nangyari ‘yan,” aniya.

Dagdag pa pa niya, “Nakipagkontrata sa isang mamamatay-tao to do that.”

Pagpapatuloy ni Ligutan, malinaw raw sa kabuuang 110% na sinira ni VP Sara ang tiwala sa kaniya ng publiko bilang ikalawa sa pinakamataas na nasa posisyon ng pamahalaan ng bansa.

“Even without going into that question, is that a criminal act? That acts, one hundred ten percent sure betrayed the public trust that the Vice President cuts in the precious elections,” pagtatapos pa niya.

Samantala, hindi naman na muling nagtanong si Hontiveros kay Ligutan matapos nito.

KAUGNAY NA BALITA: 'Hindi siya cheerleader!' Ridon, binira pagpapakita lang ni VP Sara para sa defense

2 PH Navy na pinukpok sa ulo ng CCG, makatatanggap ng tig-₱100k!

Inanunsyo ng Malacañang na pagkakalooban ng tig-₱100,000 na tulong pinansyal ang dalawang miyembro ng Philippine Navy na nasugatan sa naganap na insidente sa Ayungin Shoal. Ayon sa Palasyo, ang ayuda ay bilang pagkilala sa sakripisyo at serbisyo ng dalawang Navy personnel na nasaktan habang ginagampanan ang kanilang tungkulin sa pinag-aagawang bahagi ng West Philippine Sea. Hindi pa naglabas ng...

Atty. Taran ng KWF, panatag sa epekto ng AI data centers sa mga katutubong wika

Inihayag sa publiko ni Punong Komisyoner ng KWF Atty. Marites Barrios-Taran na hindi raw dapat mag-alala ang publiko banta ng paglaganap ng mga Aritificial Intelligence (AI) data centers sa kalikasan sa bansa at magiging epekto nito sa pananatili ng katutubong wika. Partikular dito ang tinatawag na “Pax Silica,” na ayon sa United States (US) Department of Stete ay isang para sa artificial...

'Kiyapo,' lalakas bilang tropical storm; signal no. 1, nakataas na!

Inaasahang lalakas bilang tropical storm ang tropical depression 'Kiyapo' habang papalapit sa Babuyan Islands, ayon sa Philippine Atmospheric, Geophysical and Astronomical Services Administration (PAGASA) nitong hapon ng Huwebes, Hulyo 23, 2026. Base sa tropical cyclone bulletin ng PAGASA, huling namataan ang bagyo sa layong 640 kilometers East of Tuguegarao City, Cagayan. Taglay ang...