'Hindi siya cheerleader!' Ridon, binira pagpapakita lang ni VP Sara para sa defense-Balita

'Hindi siya cheerleader!' Ridon, binira pagpapakita lang ni VP Sara para sa defense

By Mc Vincent Mirabuna

July 07, 2026

Bumuwelta ang House prosecutor na si Bicol Saro Partylist Rep. Terry Ridon na hindi raw cheerleader si Vice President Sara Duterte para pumunta lang sa Senado at suportahan ang kaniyang defense team.

Bago kasi nito, nauna nang bumisita si VP Sara sa Senado bago pa man opisyal na magsimula ang ikalawang araw ng Senate impeachment trial laban sa kaniya nitong Martes, Hulyo 7, 2026, at pinuntahan niya lang ang mga miyembro ng defense panel na magtatanggol sa mga alegasyong laban sa kaniya.

Batay naman sa naging tugon ni Ridon sa panayam sa kaniya ng media nito ring Martes, sinabi niyang ipinapakita lang daw ng ginawa ni VP Sara na wala raw talaga itong magpakita o sumipot sa impeachment court.

“It shows nga po talaga na wala siyang desisyon na magpakita, sumipot dito sa paglilitis tungkol sa kaniya,” pagsisimula niya.

Dagdag pa niya, “Again, ang sabi niya po kasi I think she’s here to support the defense panel.”

Patutsada ni Ridon, akusado o nasasakdal daw si VP Sara ng naturang impeachment trial laban sa kaniya at hindi isang cheerleader para sumuporta sa kaniyang mga abogado.

“But hindi po siya cheerleader dito po sa impeachment proceeding na ito. Siya po’y nasasakdal, siya po’y akusado,” aniya.

Pagpapatuloy ni Ridon, kailangan daw ni VP Sara na dumalo sa impeachment trial para sa kaniyang sarili at hindi para sumuporta sa kaniyang defense team.

“She has to be here for herself, not to support anyone else, not to support the defense panel,” pagtatapos niya.

Samantala, habang sinusulat ito, gumugulong ang ikalawang Senate impeachment trial kung saan tinalakay ng mga delegado ng testigo, prosecution team, at defense team ang Article IV ng Articles of Impeachment kaugnay sa umano’y mga naging pagbabanta ni VP Sara sa buhay ng Pangulo, First Lady, at Leyte 1st District Representative at dating House Speaker Martin Romualdez.

KAUGNAY NA BALITA: 'Impeachment trial ito hindi action movie!' Rep. Diokno, pinalagan si VP Sara

KAUGNAY NA BALITA: VP Sara, darating sa day 2 ng impeachment trial?

'Kiyapo,' lalakas bilang tropical storm; signal no. 1, nakataas na!

Inaasahang lalakas bilang tropical storm ang tropical depression 'Kiyapo' habang papalapit sa Babuyan Islands, ayon sa Philippine Atmospheric, Geophysical and Astronomical Services Administration (PAGASA) nitong hapon ng Huwebes, Hulyo 23, 2026. Base sa tropical cyclone bulletin ng PAGASA, huling namataan ang bagyo sa layong 640 kilometers East of Tuguegarao City, Cagayan. Taglay ang...

Ilog sa Antipolo, ‘bumula’ matapos tapunan ng pinaglabahang tubig!

Tila “sinabon” ang isang ilog sa Antipolo City matapos umapaw ang pinaglabahang tubig ng isang residente sa Sitio Oreta, Upper San Isidro, noong Miyerkules, Hulyo 22. Batay sa pahayag ni Mayor Jun Andeng-Ynares, ang residente na kinilala bilang si “Ronald” ay naglinis ng kaniyang gallon, na pinaglagyan ng sangkap sa paggawa ng dishwashing liquid, kabilang pa rito ang mismong pampabula,...

PBBM bet ma-reset relasyong Pilipinas-China

Isiniwalat ni Presidential Communications Office (PCO) Undersecretary at Palace Press Officer Atty. Claire Castro na inihayag ni Pangulong Ferdinand “Bongbong” Marcos, Jr. ang kagustuhan nitong hindi na maulit ang mga nangyari sa pagitan ng China at Pilipinas kamakailan. Kaugnay ito sa dayalogong ikinasa nina PBBM at ni Chinese Ambassador to the Philippines Jing Quan kasunod ang pag-atake ng...