VP Sara, darating sa day 2 ng impeachment trial?-Balita

VP Sara, darating sa day 2 ng impeachment trial?

By Mc Vincent Mirabuna

July 07, 2026

Batay sa pagbibigay umano ng abiso ng mga abogado ni Vice President Sara Duterte sa Office of the Sergeant-at-Arms (OSAA), maaari daw dumating sa ikalawang araw ng Senate impeachment trial ang Pangalawang Pangulo ngayong Martes, Hulyo 7, 2026.

Matatandaang opisyal nang nagsimula ang impeachment trial laban kay VP Sara noong Lunes, Hulyo 7, kung saan dinaluhan ito ng kapuwa mga miyembro ng House prosecution panel at defense team ng Pangalawang Pangulo.

Sa naging pahayag ni Senate Sergeant-at-Arms Alfred Corpus sa panayam sa kaniya ng media nitong Martes, sinabi niyang may pasabi o abiso daw ang kampo ni VP Sara sa OSAA sa maaari nitong pagdating.

“Today. Meron silang mga pasabi pero we don’t know if she’s come,” aniya.

Paglilinaw ni Corpus, may nakalaan daw na holding area para kay VP Sara at nakabukod daw ito sa holding area na tinutuluyan ng defense team na binubuo ng kaniyang mga abogado.

“The Vice President has a designated holding area in this building. If there's a defense holding area, she has own holding area,” aniya.

Diin ni Corpus, tila iniiwasan naman daw siguro ng mga Senator-Judge na makasalamuha si VP Sara dahil gumugulong na raw ang impeachment trial laban dito.

“I think because the Senator-Judges is already on the impeachment trial, siguro mas umiiwas na silang [magkita] because [she] was already on trial,” saad niya.

Pagpapatuloy pa ni Corpus, araw-araw naman daw nilang inaasahan ang maaaring pagdating ni VP Sara sa Senado dahil sa trial laban dito at lagi raw silang handang tanggapin ang Pangalawang Pangulo.

“Everyday, we are expecting her to come because she’s on trial. Everyday she might come and the Senate, the OSAA [is] ready to accept her,” paglilinaw pa niya.

Samantala, wala pa namang opisyal na kumpirmasyong inilalabas si VP Sara o ang kaniyang mga abogado kaugnay rito.

Nakatakdang muling magsimula ang Senate impeachment trial laban kay VP Sara sa ganap na 2:00 ng hapon ngayong Martes, Hulyo 7, 2026.

MAKI-BALITA: 'Walang bise presidente na handang magpapatay ng presidente... ngayon lang!'—Luistro

MAKI-BALITA: Kahit nalagasan ng tatlo: 16 na boto, kailangan pa rin para ma-convict si VP Sara

Paliwanag ng SC sa photocopy ng dokumento bilang ebidensya sa korte, muling kinalkal

Muling ni-reshare ng mga netizen ang inilabas na paglilinaw ng Korte Suprema patungkol sa maaaring paggamit sa photocopy ng mga dokumento bilang ebidensya sa korte, sa ilang mga pagkakataon. Nag-ugat ito sa pagsita ni defense counsel Atty. Carlo Narvasa sa ilang mga inilahad na ebidensya ng prosecutor na si Atty. Amando Ligutan, na pawang photocopy raw, sa naging paglilitis sa ikaapat na article...

Gitgitan ulit? Sen. Pia Cayetano, sinita si Sen. Risa Hontiveros dahil sa tanong sa prosecutor

Muling nagkaroon ng tensyon sa pagitan nina Senator-Judge Risa Hontiveros at Senator-Judge Pia Cayetano matapos magtanong ang una sa prosecutor na si Atty. Amando Ligutan, kung 'impeachable offense' bang maituturing ang umano'y grave threats ni Vice President Sara Duterte laban kina Pangulong Ferdinand 'Bongbong' Marcos, Jr., First Lady Liza Marcos, at Leyte 1st District...

Atty. Sheila Sison hindi nag-walk out, nag-toilet break lang!—Atty. Michael Poa

Hindi raw totoong nag-walk out ang defense lead counsel na si Atty. Sheila Sison habang sinasagot ni Atty. Amando Ligutan ng prosecutor team ang tanong ni Senator-Judge Risa Hontiveros, sa ikalawang araw ng impeachment trial ni Vice President Sara Duterte nitong Martes, Hulyo 7. Habang sinasagot ni Ligutan ang tanong ni Hontiveros kung impeachable offense na bang maituturing ang umano'y grave...