Diretsahang pinatutsadahan ni Akbayan Partylist Rep. Chel Diokno ang maiksi ngunit malamang pahayag ni Bise Presidente Sara Duterte hinggil sa umaandar na impeachment trial laban sa kaniya ngayong Martes, Hulyo 7.
Matatandaang dumating si Duterte sa Senado kaninang umaga upang makipagpulong sa kaniyang defense team.
Nang tanungin siya ng media hinggil sa usapin ng “bloodbath” sa kaniyang Senate impeachment trial, ang tanging saad lamang ni Duterte, "in this bloodbath and bludgeoning, I will be bloodied but unbowed."
MAKI-BALITA: VP Sara, darating sa day 2 ng impeachment trial?
Kaya patutsada ni Diokno, “bakit laging bloody ang script? Impeachment trial ito, hindi action movie.”
Kiko Barzaga, ieendorso ermat niya para sa special election sa Dasma!
Dagdag pa niya, “ang mainit na katanungan ng taumbayan sa kasagsagan ng umaarangkadang impeachment trial laban sa bise pangulo, sasagutin ba ang ebidensya o puro drama na lang?”
Isa pa sa mga pumalag sa naging pahayag ni Duterte ay si Akbayan Rep. Perci Cendaña, kung saan binanggit na “peak papansin behavior” ang pagpunta ni Duterte sa Senado ngunit hindi dadalo sa kaniyang impeachment trial.
“Peak papansin behavior yung pumunta sa Senado at nagpa-presscon, pero di naman pupunta sa impeachment trial,” patutsada ni Cendaña.
Dagdag pa niya, “show of force? I think not. Mas show of fear yata.”
Samantala, kasalukuyan nang isinasagawa ang ikalawang araw ng impeachment trial laban kay Duterte, kung saan, siya ay inaasahang personal na dumalo ng mga opisyal at taumbayan.
