Iginiit ni dating presidential spokesperson Harry Roque na siya umano ang maaaring magpatunay o mag-authenticate sa video ni Vice President Sara Duterte na kuha noong Nobyembre 2024 mula sa isang press conference.
Kaugnay ito sa kontrobersyal na video ni VP Sara kung saan pinagbantaan umano nito ang buhay nina Pangulong Ferdinand “Bongbong” Marcos, Jr., First Lady Liza Araneta-Marcos, at Leyte 1st District Rep. at dating House Speaker Martin Romualdez.
KAUGNAY NA BALITA: Banta kay PBBM, atbp. hindi hypothetical, gawa-gawa, o pantasya!—Usec. Castro-Balita
Ani Roque, siya raw at hindi si National Bureau of Investigation (NBI) Senior Agent John Mark Calilung ang maaaring magpatunay sa nasabing video.
“Who can authenticate the video: me since I broadcasted the video, any of the 42 [participants] including VP Sara and Atty Lyka; and FB. Di pwede si Calilung,” saad ni Roque sa kaniyang Facebook post kamakailan.
“So far, video is inadmissible without authentication!” diin pa niya.
Nagsilbing testigo ng prosecution si Calilung hinggil sa ikaapat na article of impeachment na inihain laban sa Pangalawang Pangulo.
Matatandaang naikasa na noong Lunes, Hulyo 6 hanggang Miyerkules, Hulyo 8 ang unang tatlong araw ng paglilitis laban sa bise presidente sa Senado—na siyang gumaganap bilang impeachment court.
KAUGNAY NA BALITA: Ridon, idiniing 'di 'contract to kill' usapin sa pagbabanta ni VP Sara!-Balita
