Ridon, idiniing 'di 'contract to kill' usapin sa pagbabanta ni VP Sara!-Balita

Ridon, idiniing 'di 'contract to kill' usapin sa pagbabanta ni VP Sara!

By Mc Vincent Mirabuna

July 09, 2026

Nilinaw ng isa sa mga House prosecutor na si Bicol Saro Partylist Rep. Terry Ridon na hindi raw mahalaga ang usapin ng “contract to kill” sa umano’y naging aktuwal na pagbabanta ni Vice President Sara Duterte magmula noong Nobyembre 23, 2024, at mga sumunod pa.

Sa inilabas na video statement ni Ridon sa kaniyang “X” account nitong Huwebes, Hulyo 9, 2026, sinabi niyang mahalaga raw na linawin ang tungkol sa sinasabing wala naman daw impeachable offense na ginawa si VP Sara dahil hindi raw nagkaroon ng “contract to kill.”

“Hindi contract to kill ‘yong pinag-uusapan dito,” pagsisimula niya.

Ani Ridon, ang naging pagbabanta raw ni VP Sara sa buhay nina Pangulong Ferdinand “Bongbong” Marcos, Jr., First Lady Liza Marcos, at Leyte 1st District Representative at dating House Speaker Martin Romualdez ang totoo raw na sentro ng usapin.

“Ang pinag-uusapan dito, ‘yong pagbabanta ng Pangalawang Pangulo laban sa Pangulo, sa First Lady, at sa dating House Speaker,” aniya.

Diin ni Ridon, wala raw batayan para sa sinoman na pumapabor sa pagbabanta sa buhay ng sinoman laban sa kahit na kanino man daw na indibidwal.

Aniya pa, dahil daw rito kaya mataas ang pamantayan ng paglilitis kapag isang mataas na opisyal kagaya nina VP Sara, PBBM, at iba pang ang nagbanta sa kapuwa nila matataas na kawani ng pamahalaan.

“Ibig sabihin, kapag matataas na opisyal ng pamahalaan ang gumawa, dapat may aktuwal na pananagutan ‘yong ganitong mga gawain,” paliwanag niya.

“‘Yan ‘yong inilatag ng impeachment proceedings ng prosecution nitong nagdaang araw. ‘Yong aktuwal na pagbabanta, nakita natin ‘yong video. Nakita ng buong bayan ‘yong video,” pagtatapos pa niya.

Nakatakdang muling simulan ang impeachment trial laban kay VP Sara sa darating na Lunes, Hulyo 13, hanggang sa araw ng Miyerkules, Hulyo 15, 2026, na magsisimula tuwing 2:00 ng hapon.

KAUGNAY NA BALITA: Impeachment, 3 taon pinaghandaan—Mayor Baste

KAUGNAY NA BALITA: ‘I would say that it's a good week for the prosecution!'—House Prosecutor Zamora

Ombudsman Remulla kay Sen. Padilla: 'He chooses to ignore the Ombudsman, so be it!'

Inihayag sa publiko ni Ombudsman Jesus Crisipin “Boying” Remulla na hindi pa raw nakakapagsumite si Sen. Robin Padilla ng counter-affidavit laban sa kasong obstruction of justice na isinampa labang sa kaniya. Kaugnay ito sa naging pagtulong umano ni Padilla sa pagtakas ni Sen. Ronald “Bato” dela Rosa sa pagtugis ng mga awtoridad noong madaling-araw ng Mayo 14, 2026. Matatandaang nauna...

Kiko Barzaga, ieendorso ermat niya para sa special election sa Dasma!

Nagpahayag ng pagsuporta si dating Cavite 4th district Rep. Kiko Barzaga sa kaniyang inang si Dasmariñas City Mayor Jenny Barzaga hinggil sa usapin ng kandidatura para sa special elections na gagawin sa kanilang distrito. Sa pamamagitan ng Facebook post nitong Biyernes, Hulyo 17, 2026, iginiit niyang nakahanda siyang iendorso ang kaniyang ina. “I will endorse Mayor Jenny Barzaga for the...

VP Sara, bumisita sa paaralan sa Lanao del Norte; ipinaalala kahalagahan ng edukasyon

Ibinahagi ni Vice President Sara Duterte ang naging pagbisita niya sa Masibay Integrated School sa Barangay Masibay, Nunungan, Lanao del Norte, kung saan nakasama niya ang mga mag-aaral at guro ng paaralan noong Hunyo. Sa isang social media post, Biyernes, Hulyo 17, sinabi ng Bise Presidente na naging masaya ang pagbisita niya sa paaralan at pakikipag-ugnayan sa elementary pupils. Ayon kay VP...