'Upang hindi ako magkamali!' Sen. Robin, nilinaw paghingi ng tulong sa Google-Balita

'Upang hindi ako magkamali!' Sen. Robin, nilinaw paghingi ng tulong sa Google

By Mc Vincent Mirabuna

July 07, 2026

Nagpaliwanag si Sen. Robin Padilla sa kaniyang naging pagdulog sa Google noong Lunes, Hulyo 6, 2026, sa ikinasa nilang unang araw ng Senate impeachment trial laban kay Vice President Sara Duterte.

Kaugnay ito sa naging pagkontra ni Padilla sa pagkakahalal kay Senator-Judge Chiz Escudero bilang presiding officer sa naturang trial.

“Humingi po ako ng tulong sa Google kasi legal terms po ito. Hindi naman po ako nagtapos sa UP. Hindi rin po ako nagtapos sa Ateneo. Nagtapos po ako ng criminology. At UP rin: University of Prison,” ani Padilla.

KAUGNAY NA BALITA: Sen. Robin Padilla tungkol sa legal terms: 'Humingi ako ng tulong sa Google'

Sa bagong pahayag naman ni Padilla sa kaniyang Facebook post nitong Martes, Hulyo 7, sinabi niyang pinalalaki raw ng mga “bayaran” ang naging paghingi niya ng tulong sa Google para i-translate sa Tagalog ang Deliberations of Consultative Committees (ConCom) kaugnay sa tungkulin ng presiding officer.

“Ang isyu na pinalalaki ng mga bayaran ay ang paghingi ko ng tulong kay [G]oogle para sa translation sa tagalog ng deliberasyon ng Concom commissioners patungkol sa presiding officer, hindi ang dapat pagsunod sa saligang batas ng impeachment court,” pagsisimula niya.

Saad ni Padilla, tipikal na halimbawa daw iyon ng political term na “wagging the dog” o pag-aalis ng atensyon ng publiko sa totoong usaping dapat pag-usapan.

“Classic example of the political term. Wag the Dog. Alisin sa totoong isyu ang usapan at mag imbento ng istoryang pag uusapan,” aniya.

Paglilinaw ni Padilla, humingi lang daw siya ng tulong sa Google na i-translate mula sa Ingles papunta sa Tagalog ang Deliberations of ConCom upang hindi raw siya magkamali, makapagdagdag, o magbaluktot sa pagtalakay ng naturang usapin.

“Ang [p]agsalin sa tagalog mula sa inglis sa google ay upang hindi ako magkamali, magdagdag, o baluktutin ang mga tinalakay sa Concom,” pagtatapos niya.

Samantala, nakatakdang muling magsimula ang ikalawang araw ng Senate impeachment trial laban kay VP Sara ngayong Martes sa ganap na 2:00 ulit ng hapon, Hulyo 7, 2026.

KAUGNAY NA BALITA: Hirit ni Sen. Robin: 'Nagtapos po ako ng Criminology at UP rin, sa University of Prison!'

KAUGNAY NA BALITA: Padilla, inapelang kahit ‘observer’ na lang sina Estrada at Marcoleta sa impeachment trial!

Konsi sa Bulacan na nag-joke time at ginaya rider's notes, binatikos!

Umani ng mga samu’t saring mga reaksiyon mula sa netizens ang larawang ibinahagi ng isang konsehal mula Bustos, Bulacan na si Konsehal Tangkol Perez. Ang naturang larawan kasi na kaniyang ipinasakil sa opisyal niyang Facebook account noong Hulyo 23 ay tila may pagkakahawig sa mga nag-viral na larawan ng ilang motorcycle taxi rider na naglalagay ng mensahe sa kanilang helmet, hinggil sa kanilang...

Sen. Ping 'happy' sa big win nina Sen. Kiko, Sen. Bam noong 2025 elections!

Inihayag ni Sen. Panfilo “Ping” Lacson na masaya siya sa naging malaking pagkapanalo nina Sen. Francis “Kiko” Pangilinan at Sen. Bam Aquino sa naganap na midterm elections noong 2025. Bago nito, nauna nang balikan ni Pangilinan sa kaniyang social media post nitong Sabado, Hulyo 25, 2026, ang mababang rating na nakuha niya sa Senate election survey na inilabas ng Pulse Asia Research,...

BI, itinangging sila ang nagbalitang nagbalak umalis ng bansa si Rep. Romualdez

Mariing itinanggi ni Bureau of Immigration (BI) Commissioner Joel Anthony Viado ang alegasyong nagpakalat ang ahensya ng umano'y 'fake news' kaugnay sa ulat na may planong umalis ng bansa si House Speaker Martin Romualdez. Sa inilabas na pahayag, sinabi ni Viado na nananatiling nakatuon ang kanilang ahensya sa pagbibigay ng tama, tapat, at responsableng impormasyon sa publiko habang...