'Peak papansin behavior!' Rep. Cendaña tinalakan VP Sara-Balita

'Peak papansin behavior!' Rep. Cendaña tinalakan VP Sara

By Vincent Gutierrez

July 07, 2026

Diretsahang ipinahayag ni Akbayan Partylist Rep. Percival “Perci” Cendaña ang umano’y peak papansin behavior ni Vice President Sara Duterte matapos nitong magpakita sa Senado para lamang sa kaniyang legal defense, at hindi para sa kinahharap niyang impeachment trial.

Matatandaang ngayong Martes, Hulyo 7, ang ikalawang araw ng paglilitis sa Pangalawang Pangulo—at dalawang araw na rin siyang hindi sumisipot sa nasabing trial.

Sa isang Facebook post na ibinahagi ni Rep. Cendaña nitong Martes, Hulyo 7, binuwelta rin niyang “show of fear” ang ipinakita ni VP Sara at hindi show of force.

“Peak papansin behavior 'yung pumunta sa Senado at nagpa-presscon, pero di naman pupunta sa impeachment trial,” saad ni Rep. Cendaña.

Aniya, “Show of force? I think not. Mas show of fear yata.”

Sa hiwalay na Facebook post nito ring Martes, Hulyo 7, tahasan ding sinabi ng kongresista na desperado umano ang defense ni VP Sara na subukang idiskaril ang impeachment trial.

“VP Sara's defense is desperately trying to derail the impeachment trial. Her lawyers in the trial cannot mount a credible defense so they are raining down objections to drag the proceedings,” anang kongresista.

Aniya, “Meanwhile, her other lawyers have run to the SC to question the authority of the presiding officer and hopefully put the trial into a quagmire.”

“Isa lang ang strategy ni VP Sara at ng mga DDS. Delay. Derail. Sabotage,” pagtatapos ni Rep. Cendaña.

Maliban sa kaniya, isa rin si Bicol Saro Partylist Rep. Terry Ridon sa mga pumuna sa ginawa ng bise presidente.

Aniya, hindi raw ito cheerleader upang pumunta lamang sa Senado at suportahan ang kaniyang defense team.

“It shows nga po talaga na wala siyang desisyon na magpakita, sumipot dito sa paglilitis tungkol sa kaniya,” saad ni Rep. Ridon.

MAKI-BALITA: 'Hindi siya cheerleader!' Ridon, binira pagpapakita lang ni VP Sara para sa defense-Balita

Kinuwestiyon naman ni Akbayan Party-list Rep. Atty. Chel Diokno ang Pangalawang Pangulo hinggil sa impeachment.

Aniya, sasagutin daw ba ni VP Sara ang mga ebidensya, o kung puro drama na lamang ito.

“Bakit laging bloody ang script? Impeachment trial ito, hindi action movie. Ang mainit na katanungan ng taumbayan sa kasagsagan ng umaarangkadang impeachment trial laban sa bise pangulo, sasagutin ba ang ebidensya o puro drama na lang?” pagtatanong ni Rep. Diokno.

MAKI-BALITA: 'Impeachment trial ito hindi action movie!' Rep. Diokno, pinalagan si VP Sara-Balita

Samantala, habang isinusulat ang artikulong ito, wala pang tugon o pahayag na ibinahagi si VP Sara hinggil sa mga komentong ito.

Gitgitan ulit? Sen. Pia Cayetano, sinita si Sen. Risa Hontiveros dahil sa tanong sa prosecutor

Muling nagkaroon ng tensyon sa pagitan nina Senator-Judge Risa Hontiveros at Senator-Judge Pia Cayetano matapos magtanong ang una sa prosecutor na si Atty. Amando Ligutan, kung 'impeachable offense' bang maituturing ang umano'y grave threats ni Vice President Sara Duterte laban kina Pangulong Ferdinand 'Bongbong' Marcos, Jr., First Lady Liza Marcos, at Leyte 1st District...

Atty. Sheila Sison hindi nag-walk out, nag-toilet break lang!—Atty. Michael Poa

Hindi raw totoong nag-walk out ang defense lead counsel na si Atty. Sheila Sison habang sinasagot ni Atty. Amando Ligutan ng prosecutor team ang tanong ni Senator-Judge Risa Hontiveros, sa ikalawang araw ng impeachment trial ni Vice President Sara Duterte nitong Martes, Hulyo 7. Habang sinasagot ni Ligutan ang tanong ni Hontiveros kung impeachable offense na bang maituturing ang umano'y grave...

Defense counsel sa NBI senior agent na testigo ng prosecution: 'Are you following a script?'

Bahagyang nagkaroon ng tensyon sa ikalawang araw ng impeachment trial ni Vice President Sara Duterte matapos kwestiyunin ng kampo ng depensa ang testimonya ng isang testigo mula sa National Bureau of Investigation (NBI). Sa pagdinig nitong Martes, Hulyo 7, tinanong ni House prosecutor Atty. Virgil Ligutan si NBI Cybercrime Investigation Unit Senior Agent John Mark Calilung kaugnay ng isang...