VP Sara, 'wala pang pasabi' kung dadalo sa simula ng impeachment trial

VP Sara, 'wala pang pasabi' kung dadalo sa simula ng impeachment trial—SP Win

By Mc Vincent Mirabuna

July 06, 2026

Ibinahagi sa publiko ni Senate President Sherwin “Win” Gatchalian na wala pa umanong nakararating na balita sa kanila kung dadalo si Vice President Sara Duterte sa unang araw ng Senate impeachment trial ngayong Lunes, Hulyo 6, 2026.

Sa naging pahayag ni Gatchalian sa panayam sa kaniya ng media nito ring Lunes, sinabi niyang patuloy raw ang kaniyang pakikipag-ugnayan sa Office of the Sergeant-at-Arms (OSAA) ng Senado ngunit wala pa raw ipinapadalang pasabi o abiso ang Pangalawang Pangulo sa pagdating nito.

“Walang pasabi. Walang pasabi sa amin. So nagko-coordinate din ako sa OSAA at wala pa namang pasabi,” ‘ika niya.

Ani Gatchalian, nagpapasalamat naman daw siya sa mga miyembro ng OSAA dahil nakaplano na raw ang lahat upang matiyak ang seguridad ng Senado sa simula ng araw ng impeachment trial laban sa Pangalawang Pangulo.

“Everything is nakaplano na. Kaya nagpapasalamat nga ako ating OSAA dahil importante ‘yong seguridad ng ating institusyon,” aniya.

Pagtitiyak ni Gatchalian, nakahanda na rin daw ang OSAA maging sa mga magsasagawa ng kilos-protesta ng ilang mga grupo sa labas ng Senado ngayon ding Lunes.

“Pinaghandaan din. Any eventuality, nakahanda naman. Kaya merong ganitong mga arrangement natin sa labas, pati ‘yong mga nagsabi na mag-rally, pinaghahandaan na rin,” saad niya.

Pagpapatuloy niya, humingi na rin daw ng suporta ang Senado sa ahensya ng Philippine National Police (PNP) upang matiyak naman ang kaayusan sa gitna ng pagkakasa ng mga kilos-protesta ng ilang mga grupo.

“Humingi rin kami ng suporta sa PNP para masigurado na orderly ‘yong mga demonstration sa labas ng Senado,” pagtatapos pa niya.

Samantala, nakatakdang magsimula sa ganap na 2:00 ng hapon tuwing Lunes hanggang Miyerkules mula ngayong Hulyo 6 hanggang Hulyo 26 ang impeachment trial laban kay VP Sara.

KAUGNAY NA BALITA: 'Kailangan nating pumili:’ Ridon, humirit sa publiko sa simula ng impeachment!

KAUGNAY NA BALITA: 61 upuan, bukas sa publiko sa bawat impeachment trial vs VP Sara—Senate Sec. Bantug

Nurse, sinaksakan ng tae swero ng pasyente niya!

Inaresto ng pulisya ang dating nurse noong Miyerkules, Hulyo 15, 2026 matapos siyang masangkot sa umano'y pagkamatay ng isang 75-anyos na pasyente sa isang ospital noong Enero 2026. Kinilala ng mga awtoridad ang suspek bilang isang 51-anyos na babae na dating nagtatrabaho sa Kashiwa Tanaka Hospital sa lungsod ng Kashiwa, Japan. Gayunman, itinanggi umano niya ang mga paratang na iniuugnay sa...

Misis na magpapagiling ng mani, arestado kasama ang kalaguyo!

Arestado ang isang ginang matapos siyang maaktuhan kasama ang umano’y kalaguyo niyang barangay tanod sa kwarto ng isang hotel sa Daet, Camarines Norte noong hapon ng Miyerkules, Hulyo 15, 2026. Ayon sa mga ulat, mismong ang mister ng ginang ang nakipag-ugnayan sa mga awtoridad hinggil sa ginagawa umanong kalokohan ng kaniyang misis. Kasama ang mga pulis, pinasok nila ang kwarto kung saan...

Dizon sa 2019 SEA Games issue, 'off the hook' na nga ba kay NBI Dir Matibag?

Nilinaw sa publiko ni National Bureau of Investigation (NBI) Director Atty. Melvin Matibag kung magiging “off the hook” na nga ba si Department of Public Works and Highways (DPWH) Sec. Vince Dizon sa kanilang fact-finding inquiry kaugnay saa mga anomalya sa 2019 Sea Games. Matatandaang nauna nang ihayag sa publiko ni Matibag na magkakaroon daw sila ng fact-finding inquiry sa umano’y aabot...