Inudyukan ni Akbayan Party-list Rep. Chel Diokno ang lahat na panoorin, pakinggan, at makibahagi sa magaganap na impeachment trial laban kay Vice President Sara Duterte na magaganap simula ngayong Lunes, Hulyo 6.

Sa isang maiksing Facebook post na ibinahagi ni Rep. Diokno nito ring Lunes, Hulyo 6, iginiit niya na ang isasagawang paglilitis ay para sa layunin ng katotohanan at pananagutan.

“Ngayong alas dos ng hapon, magsisimula na ang impeachment trial ni VP Sara Duterte. Inaanyayahan ang lahat na manood, makinig, at maging bahagi ng mahalagang prosesong ito para sa katotohanan at pananagutan,” saad ni Rep. Diokno sa kaniyang post.

Photo courtesy: Chel Diokno/FB

Matatandaang isa si Rep. Diokno sa mga uupong prosecutors sa gaganaping impeachment trial laban sa Pangalawang Pangulo.

Kasama niya ang ilang miyembro ng House of Representatives (HOR) na sina Batangas 2nd District Rep. Gerville "Jinky Bitrics" Luistro, Iloilo 3rd District Rep. Lorenz Defensor, Manila 3rd District Rep. Joel Chua, Mamamayang Liberal (ML) party-list Rep. Leila de Lima, Bicol Saro party-list Rep. Terry Ridon, Bukidnon 2nd District Rep. Jonathan Keith Flores, 1-Rider party-list Rep. Ramon Rodrigo Gutierrez, San Juan City Rep. Ysabel Maria Zamora, Cagayan de Oro City 1st District Rep. Lordan Suan, at Dinagat Islands Rep. Kaka Bag-ao.

KAUGNAY NA BALITA: Teaser video ng impeachment prosecutors vs VP Sara, umani ng reaksiyon!-Balita

Magsisilbi namang presiding officer ng impeachment trial si Senate President (SP) Sherwin “Win” Gatchalian.

Samantala, hindi pa rin tukoy kung personal bang dadalo ang Bise Presidente sa nasabing paglilitis.

MAKI-BALITA: VP Sara, 'wala pang pasabi' kung dadalo sa simula ng impeachment trial—SP Win-Balita