Usap-usapan ng mga netizen ang inilabas na teaser video ng 11 tatayong prosecutors ng House of Representatives para sa nakatakdang impeachment trial kay Vice President Sara Duterte sa darating na Hulyo.
Ibinahagi ni San Juan City Rep. Bel Zamora ang nabanggit na teaser video bago magsimula ang trial sa Senado, kapag nilitis na ang Pangalawang Pangulo sa Senate Impeachment Court.
"The impeachment trial of Vice President Sara Duterte will place a national spotlight on a number of public officials who will play key roles in the proceedings," mababasa sa caption.
"Among them are the members of the House prosecution panel."
"Their names will be heard throughout the trial. Their actions and decisions will be closely watched. Yet many remain unfamiliar to the public."
#WalangPasok: Class suspensions sa Lunes, July 13
"The people who take part in public processes often become known through the roles they perform. Less often discussed are the experiences that brought them there," mababasa pa sa caption.
Ang mga mambabatas na uupong prosecutors sa impeachment trial ay sina Ito ay sina Batangas 2nd District Rep. Gerville "Jinky Bitrics" Luistro na siyang Lead Prosecutor, Iloilo 3rd District Rep. Lorenz Defensor, Manila 3rd District Rep. Joel Chua, Mamamayang Liberal (ML) party-list Rep. Leila de Lima, Akbayan party-list Rep. Chel Diokno, Bicol Saro party-list Rep. Terry Ridon (Bicol Saro), Bukidnon 2nd District Rep. Jonathan Keith Flores, 1-Rider party-list Rep. Ramon Rodrigo Gutierrez, San Juan City Rep. Ysabel Maria Zamora, Cagayan de Oro City 1st District Rep. Lordan Suan, at Dinagat Islands Rep. Kaka Bag-ao.
"Regardless of the participation of the Vice President and even in her absence, this committee will proceed," saad ni Luistro.
"We will do our duty and resolve without hesitation and without delay. We now call the case," aniya pa.
Umani naman ito ng iba't ibang reaksiyon at komento mula sa netizens.
"The best ever. Thank you so much at nasa likod nyo kaming mga Pilipinong may malasakit sa bansa."
"Bakit kailangan pa ng ganito? Hahahaha."
"Saludo sa inyo!"
"Jusme may paganito pa! Magkano po ang nagastos dito?"
"Samahan nawa po kayo ng Dios."
Samantala, itinanggi naman ni Rep. Ridon ang mga kumalat na intrigang "nilamon nang buhay" ng defense team ni VP Sara si Rep. Luistro sa naganap na pre-trial noong Huwebes, Hunyo 18.
Sa naging pahayag ni Ridon sa panayam sa kaniya ng isang TV station nitong Sabado, Hunyo 20, pinabulaanan niyang naungusan ng kampo ni VP Sara si Luistro dahil dumalo raw siya mula sa simula hanggang sa matapos ang naturang pagdinig.
“Wala pong kinain nang buhay. Ang alam ko, may kumain ng lumpia kasi masarap po ang hinain ng Senate Impeachment Court doon sa dalawang panig,” aniya.
Maki-Balita: Rep. Ridon, sinopla tsismis na 'kinain nang buhay' ng VP Sara camp si Rep. Luistro!
