Hinagpis ng ina ni Rene Baterbonia sa huling hantungan: 'Wag mong patulugin gumawa sa 'yo nito, anak!'-Balita

Hinagpis ng ina ni Rene Baterbonia sa huling hantungan: 'Wag mong patulugin gumawa sa 'yo nito, anak!'

Usap-usapan ang paghihinagpis at tila pagbibilin ni Rovelyn Baterbonia sa kaniyang pumanaw na anak na si Ateneo Blue Eagles basketball player Rene Baterbonia habang inihahatid ito sa huling hantungan, noong Miyerkules ng umaga, Hunyo 24.

Kumakalat sa social media ang panaghoy ni Rovelyn sa kabaong ng anak habang inihahanda na ang paglalagak nito sa puntod.

Sa wikang Bisaya, sinabi umano ni Rovelyn sa anak na huwag patutulugin ang mga taong naging dahilan ng pagkamatay niya, dahil hindi aniya humingi ng tawad sa kanila ang mga ito.

Salin sa wikang Filipino ng naging panaghoy ni Rovelyn, "Huwag mong patulugin ang gumawa sa 'yo nito, anak! Huwag mo silang patulugin! Lahat ng member, 'nak! Huwag mo silang patulugin! Kapag hindi sila nagsasabi ng totoo. Nak 'wag mo silang patulugin! Galing mismo sa staff, coach, at players... hindi man lang humingi ng tawad. Porket mahirap tayo, hindi sila manghingi ng tawad sa 'tin. Tao lang tayong lahat!"

Matatandaang pumanaw si Rene kasama ang Nigerian national na si Divine Adili, sa isinagawang team-building activity ng Ateneo Men's Basketball Team sa Dipaculao, Aurora noong Lunes, Hunyo 8, 2026, dahil umano sa pagkalunod.

Samantala, ibinalita ni Agusan del Sur Governor Santiago Cane Jr. na pagkakalooban ng condominium unit ang naulilang pamilya ng pumanaw na Ateneo Blue Eagles basketball player, mula sa National Housing Authority (NHA).

Sa isang social media post noong Miyerkules, ibinahagi ng governor na personal siyang kinontak ng NHA para iparating ang magandang balita para sa pamilya Baterbonia.

Ayon sa mensaheng ipinadala ng ahensya, iniutos umano ni NHA General Manager Joeben Tai ang pagkakaloob ng isang condominium unit sa Madayaw Residences na matatagpuan sa Sierra Madre Road, Bangkal, Davao City bilang tulong-pabahay para sa pamilya ni Rene.

Nakasaad sa liham na isang condominium unit sa Madayaw Residences ang ilalaan sa pamilya bilang housing assistance.

Maki-Balita: Pamilya ni Rene Baterbonia, bibigyan ng condo unit sa Davao City—NHA

Maki-Balita: 'Akala ko training lang, hindi military training!'—Ina ni Rene Baterbonia

Matutupad o maliligwak? Buod ng ikalimang SONA ni PBBM

Nag-umpisa sa ganap na 4:00 ng hapon ang ikalimang State of the Nation Address (SONA) ni Pangulong Ferdinand “Bongbong” Marcos, Jr. sa Batasang Pambansa Complex sa Quezon City. Simula pa lang, tinumbok na agad niya ang kontrobersiyal na isyu ng korupsiyon sa Pilipinas, partikular ang maanomalyang flood control projects. Narito ang ilan sa mahahalagang usaping nahagip sa ulat ng Pangulo....

Masusing pag-aaral, konsultasyon, panawagan ni Rep. Diokno sa Pax Silica

Ipinapanawagan ni Akbayan Party-list Rep. Chel Diokno sa pamahalaan ang masusing konsultasyon at pag-aaral bago tuluyang itayo sa Pilipinas ang Pax Silica, na inisyatibo ng United States Department of State para sa artificial intelligence (AI) at supply chain security. MAKI-BALITA: ‘Perwisyo o benepisyo?’ Mga dapat malaman tungkol sa Pax Silica Parte ng naging talumpati ni Pangulong...

‘It will bring quality jobs!' PBBM, aprub na sa Pax Silica?

Ibinahagi ni Pangulong Ferdinand “Bongbong” Marcos, Jr., ang ilan sa mga umano’y magiging benepisyo ng kontrobersyal na Pax Silica, sa kaniyang ikalimang State of the Nation Address (SONA) nitong hapon ng Lunes, Hulyo 27, 2026. Sa kabila ng mga protestang ikinakasa laban sa Pax Silica, mariing binigyang-diin ni PBBM ang epekto nito sa pagbibigay ng mas marami pa raw na trabaho sa mga...