Pinabulaanan ni House lead prosecutor at Batangas 2nd District Rep. Gerville Luistro ang kumalat na mga balita noong nakaraang linggo na hindi raw handa at nahihirapan ang House prosecution panel sa kinasa nilang pre-trial conference sa impeachment case ni Vice President Sara Duterte noong Hunyo 18, 2026. 

Tungkol ito sa mga umikot na balita noong nakaraang linggo na “unprepared” daw o hindi umano handa ang House prosecution panel sa pakikipagdiskusyon nila sa defense team ni VP Sara, dahilan umano ito para si Atty. Lorna Kapunan ang manguna sa naturang panel ng Kamara.

KAUGNAY NA BALITA: Sec. Bantug, sinopla ‘kainan nang buhay’ ng VP Sara camp vs House panel

Sa naging pahayag naman ni Luistro sa isinagawa niyang press briefing nitong Lunes, Hunyo 22, 2026, itinanggi niyang nahihirapan ang mga miyembro ng House prosecution panel at aniya, handa ang kanilang hanay sa naturang pre-trial conference sa impeachment case laban kay VP Sara. 

“We are not struggling. We are very much prepared. But as I have said, it has been our position to have this pre-trial conference in an expeditious manner,” pagsisimula niya. 

National

'Kung inosente ka, bakit ka aatras?’ Atty. Lorna Kapunan, binira si VP Sara!

Paliwanag ni Luistro, mas nilayon anilang tukuyin ang agenda sa unang araw ng kinasa nila noong pre-trial conference dahil hindi naman daw mareresolba ng Clerk of Court ang inapelang manipestasyon ng kampo ni VP Sara. 

“So regardless of the manifestation that was raised by the Defense, including counter stipulation, we maintained our position that that cannot be resolved by Clerk of Court and therefore we should proceed immediately to the agenda of the pre-trial conference,” aniya. 

Pagpapatuloy ni Luistro, hindi raw ibig sabihin ng hindi nila pagbibigay ng komento sa manipestasyon ng kampo ni VP Sara na hindi sila handa sa pre-trial conference. 

Diin niya, sadya lang daw na nanindigan silang hindi wasto ang inisyung usapin ng mga abogado ng Bise Presidente sa pre-trial conference. 

“Our refusal to comment on the manifestation of the Defense doesn’t mean we are not prepared. We simply maintained our position that those issues are not proper for PTC and therefore, we must confine to the agenda of the pre-trial conference,” pagtatapos niya. 

Samantala, habang sinusulat ito, kasalukuyan nang ginaganap ang ikalawang araw ng pre-trial conference kaugnay sa impeachment case laban kay VP Sara. 

Muling dumalo rito ang mga miyembro ng defense team ni VP Sara at mga bumubuo ng House prosecution panel. 

Ang naturang pre-trial conference kaugnay sa impeachment case laban kay VP Sara ay “closed-door” o sarado sa publiko at media upang magkaroon ng kalayaan ang kampo ng defense team at House prosecution panel na makipagdiskusyon, mag-stipulate ng facts, at at magtala ng mga ebidensya nang hindi naapektuhan ng mga panlabas usapin. 

KAUGNAY NA BALITA: Rep. Ridon, sinopla tsismis na 'kinain nang buhay' ng VP Sara camp si Rep. Luistro!