Usec. Castro, bumuweltang gayahin ni VP Sara si Sen. Alan sa pagpapabalik kay Sen. Bato!-Balita

Usec. Castro, bumuweltang gayahin ni VP Sara si Sen. Alan sa pagpapabalik kay Sen. Bato!

By Mc Vincent Mirabuna

June 11, 2026

Sinagot ni Palace Press Officer at Presidential Communications Office (PCO) Usec. Claire Castro ang apela ni Vice President Sara Duterte na isama sa mga usapan ng Senado sina Sen. Jinggoy Estrada at Sen. Ronald “Bato” dela Rosa.

Matatandaang humirit si VP Sara noong Miyerkules, Hunyo 10, 2026, na dapat daw isama sa mga pag-uusap ng Senado maging ang mga senador na nakulong o nagtatago para talakayin ang mahahalagang usapin sa bansa.

KAUGNAY NA BALITA: VP Sara, umapelang isama sa pag-uusap ng Senado sina Sen. Bato at Sen. Jinggoy!

Sa naging pahayag naman ni Castro sa isinagawa niyang press briefing nitong Huwebes, Hunyo 11, binuwelta niyang hindi raw madaling makadadalo ng sesyon sa Senado si Estrada dahil hawak na raw ito ng Korte.

“Kung sasabihin niya kung realistic, unang una, hindi po agad makakapunta o makakadalo o makakaboto ang isang nakadetine dahil ang may sakop po dito ay ang Korte, hindi po ang Senado,” pagsisimula niya.

Pagpapatuloy ni Castro, bukas naman daw Senado kung hihikayatin ni VP Sara si Dela Rosa na bumalik at magpakita sa publiko.

“Pangalawa, kung ‘yon po ang nais niya na makabalik sa Senado si Sen. Bato, welcome po ‘yon,” diin niya.

Aniya pa, mas maganda raw na gayahin ng Bise Presidente ang ginawang panghihikayat ni Sen. Alan Peter Cayetano noon kay Dela Rosa para pumasok ang huli sa sesyon ng Senado at maganap ang kudeta noong Mayo 11.

“Mas maganda kung kaniyang i-encourage, pipilitin—kagaya ng ginawa ni Sen. Cayetano—na makabalik si Sen. Bato dela Rosa para siya ay umattend ng mga sesyon,” pagtatapos pa niya.

Matatandaang tila nagsimulang gumulo sa Senado nang habulin ng mga ahente ng National Bureau of Investigation (NBI) si Dela Rosa dahil sa inisyung warrant of arrest ng International Criminal Court (ICC) laban sa kaniya.

Noon ding Mayo 11, matagumpay na napalitan ni Cayetano si dating Senate President Vicente “Tito” Sotto III nang makakuha siya ng 13 boto pinagpartisipahan ni Dela Rosa.

Habang sinusulat naman ito, wala pang inilalabas na tugon, reaksyon, o pahayag si VP Sara kaugnay sa nasaad ni Castro.

KAUGNAY NA BALITA: 'We do not forgive!' Nullsec Philippines, nagbabala sa mga korap sa Senado

Sen Alan, tinalakang 'ang ingay, dakdak nang dakdak' sa FB live niya

Tila winelcome lamang ni Sen. Alan Peter Cayetano ang isang netizen na nagsabing 'ang ingay' at 'dakdak siya nang dakdak' sa isinagawang Facebook Live nitong Linggo, Hulyo 26. Nakangiting binasa ng senador ang komento sa kaniya ng nabanggit na basher na tila hindi nagustuhan ang kaniyang mga sinasabi sa live. 'Ang ingay! Maingay diyan, maingay dito... dakdak ka nang...

Number coding, hindi suspendido sa SONA—MMDA

Mananatiling epektibo ang unified vehicular volume reduction program o number coding scheme sa Metro Manila sa araw ng ikalimang State of the Nation Address (SONA) ni Pangulong Ferdinand “Bongbong” Marcos Jr. sa Lunes, Hulyo 27. Nilinaw ito ng Metropolitan Manila Development Authority (MMDA), na nagsabing walang inilabas na anunsyo para suspendihin ang naturang polisiya. “Wala pong...

Mayor Leni, ibinidang 'recipient' ang Naga sa mga nagawa ng PBBM admin

Ipinagmalaki ni dating Vice President at ngayon ay Naga City Mayor Leni Robredo ang maraming nagawa ng administrasyon ni Pangulong Ferdinand 'Bongbong' Marcos, Jr. pagdating sa mga lokal na pamahalaan, nang makapanayam siya tungkol sa inaaabangang ikalimang State of the Nation Address (SONA) ng Pangulo sa Lunes, Hulyo 27. Sa ibinahagi ng isang Naga City-based journalist na si Bong...