'I'm monitoring closely!' Manny Pacquiao, nakisimpatya sa mga biktima ng lindol!-Balita

'I'm monitoring closely!' Manny Pacquiao, nakisimpatya sa mga biktima ng lindol!

By Mc Vincent Mirabuna

June 10, 2026

Inihayag ni Pambansang Kamao at tubong General Santos, South Cotabato, na si ex-Sen. Manny Pacquiao ang kaniyang pakikisimpatya para sa mga naging biktima ng malakas na lindol sa Mindanao noong Lunes, Hunyo 8, 2026.

Matatandaang nauna nang nagpaabot ng suporta at pagtindig ang Manny Pacquiao Foundation para sa mga komunidad na naapektuhan ng naturang lindol lindol sa Sarangani at karatig-lalawigan nito noon ding Lunes.

KAUGNAY NA BALITA: Manny Pacquiao Foundation sa naapektuhan ng Sarangani earthquake: 'We stand with you’

Sa naging pahayag naman ni Pacquiao nitong Miyerkules, Hunyo 10, sinabi niyang kasalukuyan daw siyang nasa United States (US) ngunit masugid daw siyang nakamasid sa sitwasyon ng kaniyang mga kababayan sa Mindanao.

Aniya, nakikipag-ugnayan na raw siya sa kanilang mga grupo na nasa pinangyarihan na ng trahedya upang siguraduhing makakarating ang kaniyang tulong sa mga nangangailangan.

“Though I am currently here in the United States fulfilling prior commitments, I am monitoring the situation closely and coordinating with our teams on the ground to ensure that help reaches those who need it most as quickly as possible,” ‘ika niya.

Anang Pambansang Kamano, hindi raw nag-iisa ang kaniyang mga kababayan at haharapin daw nila ang hamon ng naturang trahedya nang magkakasama upang muling bumangon.

“You are not alone in this. We will face this challenge together and rebuild as one,” ‘saad niya.

Pagpapatuloy ni Pacquiao, pinabibilis na rin daw niya ang pag-aasikaso ng kaniyang pag-uwi upang personal na tumindig, makinig, at tumulong sa mga kababayan niya sa Mindanao.

“I am working to expedite my return so that I can be there in person to stand with you, listen to your needs, and personally help in our recovery efforts,” pagtitiyak pa niya.

Samantala, habang sinusulat ito, ipinahayag sa publiko ng National Disaster Risk Reduction and Management Council (NDRRMC) na aabot na sa 45 na mga indibidwal ang nasawi, 17 ang nawawala, at 487 naman ang nasaktan sanhi ng yumanig na lindol.

KAUGNAY NA BALITA: GenSan, nasa ilalim na ng state of calamity

Sen Alan, tinalakang 'ang ingay, dakdak nang dakdak' sa FB live niya

Tila winelcome lamang ni Sen. Alan Peter Cayetano ang isang netizen na nagsabing 'ang ingay' at 'dakdak siya nang dakdak' sa isinagawang Facebook Live nitong Linggo, Hulyo 26. Nakangiting binasa ng senador ang komento sa kaniya ng nabanggit na basher na tila hindi nagustuhan ang kaniyang mga sinasabi sa live. 'Ang ingay! Maingay diyan, maingay dito... dakdak ka nang...

Number coding, hindi suspendido sa SONA—MMDA

Mananatiling epektibo ang unified vehicular volume reduction program o number coding scheme sa Metro Manila sa araw ng ikalimang State of the Nation Address (SONA) ni Pangulong Ferdinand “Bongbong” Marcos Jr. sa Lunes, Hulyo 27. Nilinaw ito ng Metropolitan Manila Development Authority (MMDA), na nagsabing walang inilabas na anunsyo para suspendihin ang naturang polisiya. “Wala pong...

Mayor Leni, ibinidang 'recipient' ang Naga sa mga nagawa ng PBBM admin

Ipinagmalaki ni dating Vice President at ngayon ay Naga City Mayor Leni Robredo ang maraming nagawa ng administrasyon ni Pangulong Ferdinand 'Bongbong' Marcos, Jr. pagdating sa mga lokal na pamahalaan, nang makapanayam siya tungkol sa inaaabangang ikalimang State of the Nation Address (SONA) ng Pangulo sa Lunes, Hulyo 27. Sa ibinahagi ng isang Naga City-based journalist na si Bong...