Political noise, nakaapekto sa 'failed bid' ng PH sa UN Security Council

Political noise, nakaapekto sa 'failed bid' ng PH sa UN Security Council—Palasyo

By Vincent Gutierrez

June 04, 2026

Ipinagdiinan ng Malacañang na may epekto sa imahe at reputasyon ng bansa ang politikal na ingay na umaalingawngaw sa kasalukuyan—partikular na sa pagkabigo ng Pilipinas na makakuha ng non-permanent seat sa United Nations Security Council para sa taong 2027-2028.

Nito lamang kasing Huwebes, Hunyo 4, bigong makakuha ng sapat na boto ang bansa upang mabigyan ng puwesto para sa naturang council.

MAKI-BALITA: Pilipinas, bigong makakuha ng non-permanent seat sa UN Security Council-Balita

Sa isinagawang press briefing ng Malacañang Press Corps (MPC) nito ring Huwebes, Hunyo 4, idiniin ni Palace Press Officer at Presidential Communications Office (PCO) Undersecretary Atty. Claire Castro na karamihan naman daw sa mga ito ay mga pawang “obstructionist” lamang.

“Yes, lahat ng political noise, lahat ng political tensions, nakakaapekto ito,” saad ni Usec. Castro.

Aniya, “At ito ang nakikita ng buong bayan at buong mundo sa impression dito sa Pilipinas.”

“So, nagiging negatibo dahil sa mga ingay na ito na karamihan naman ay mga obstructionist katulad ng pag-describe ng Pangulo sa huling kapihan with the media,” dagdag pa niya.

Matatandaang personal na ikinampanya ni Pangulong Ferdinand “Bongbong” Marcos, Jr. ang puwesto ng Pilipinas para sa UN Security Council noong Marso sa New York, United States.

Para kasi sa Pangulo, mabibigyan nito ng boses ang bansa na kasinghalaga ng mga malalaking bansa.

“Malaking bagay sana tayo ay mapagbigyan at maging non-permanent member ng security council. Uupo tayo sa security council, which is the guiding body of the United Nations,” saad ni PBBM.

Aniya, “Doon dine-decide kung ano ang mga isyu na dapat talakayin ng United Nations—mga general assembly ng pag-uusapan and all the other issues around the world.”

“Ito’y magbibigay ng boses para sa Pilipinas na kasinghalaga ng boses ng mga malalaking bansa—the rich and powerful nations that already seat[ed] as permanent members of the security council,” dagdag pa niya.

MAKI-BALITA: UN Security Council, magbibigay sa PH ng boses na kasinghalaga sa 'malalaking bansa'—PBBM-Balita

De Lima vs 18 ex-Marines: 'Uulitin ko... wala akong tinatanggap na pera!'

Muling pinabulaanan ni Mamamayang Liberal (ML) Partylist Rep. Leila de Lima ang alegasyon ng mga nagpakilalang miyembro ng Philippine Marines na nakatanggap umano siya ng maleta sa mga ito. Matatandaang nagsampa na ng mga kaso si De Lima at ang 2025 Ramon Magsaysay Award awardee na Fr. Flavie Villanueva sa National Bureau of Investigation (NBI) at Department of Justice (DOJ) noong Marso 9, 2026. ...

CIDG, nilinaw na walang nagkasyang 'size' na detainee shirt kay Sen. Jinggoy

Ipinaliwanag ng Criminal Investigation and Detection Group (CIDG) National Capital Region (NCR) na kakulangan sa oras at ang kawalan ng damit na akma sa pangangatawan ni Sen. Jinggoy Estrada ang dahilan kung bakit nakapatong lang ang detainee shirt niya sa inilabas na mugshot. Sa panayam ng media, sinabi ni CIDG NCR Chief PCOL John Guiagui na kinakailangan noon na agad na maihatid si Estrada sa...

'Lahat na lang may maleta... e 'di kayo na!' Rep. Ridon, tumirada sa 18 ex-Marines

Bumuwelta si Bicol Saro Party-list Rep. Terry Ridon na tila puro na lang daw kasinungalingan ang lumalabas sa mga pahayag ng nagpakilalang mga dating miyembro ng Philippine Marines. Isa si Ridon sa mga pinangalanan ng 18 ex-Marines sa kanilang joint affidavit na nadalahan umano nila ng male-maletang naglalaman ng milyon-milyon salapi. Bukod kay Ridon, nadawit din sa affidavit ang mga...