Sinita ni Sen. Panfilo “Ping” Lacson ang biglang pagpasok ni Sen. Alan Peter Cayetano sa Senado nitong Huwebes, Hunyo 4, kahit naka-“adjourned sine die” na ang Mataas na Kapulungan.

Kasunod ito ng ilang araw na pagliban ni Sen. Alan sa plenaryo, kasama ang iba pang miyembro ng dating majority bloc.

“Kung kelan walang pasok at adjourned sine die na, saka naman nasa session hall,” pagbabahagi ni Sen. Ping sa kaniyang X post nito ring Huwebes, Hunyo 4.

Matatandaang ipinagdiinan ni Sen. Alan noong Miyerkules, Hunyo 3, na tuloy ang Blue Ribbon Committee Hearing ngayong araw.

MAKI-BALITA: Sino susundin? SP Cayetano naglabas ng memo, Blue Ribbon committee hearing push pa rin bukas!-Balita

Salungat ito sa anunsyo ng bagong chair ng komite na si Sen. Erwin Tulfo, kung saan sinabi niyang mauurong sa darating na Lunes, Hunyo 8, ang pagdinig.

Nilinaw niya ring kasama ang lahat ng mga senador bilang miyembro ng naturang komite.

“[As a] matter of fact, I declare and I manifest it that all members of the Senate—be in the majority, the new minority now—they are all members of the blue ribbon committee. Para wala pong masabi na ika nga, may hocus pocus,” saad ni Sen. Erwin sa kaniyang media conference noong Huwebes, Hunyo 3.

MAKI-BALITA: Blue ribbon committee hearing, ikakasa sa Hunyo 8—Sen. Erwin-Balita