'Lahat na lang may maleta... e 'di kayo na!' Rep. Ridon, tumirada sa 18 ex-Marines-Balita

'Lahat na lang may maleta... e 'di kayo na!' Rep. Ridon, tumirada sa 18 ex-Marines

By Mc Vincent Mirabuna

June 04, 2026

Bumuwelta si Bicol Saro Party-list Rep. Terry Ridon na tila puro na lang daw kasinungalingan ang lumalabas sa mga pahayag ng nagpakilalang mga dating miyembro ng Philippine Marines.

Isa si Ridon sa mga pinangalanan ng 18 ex-Marines sa kanilang joint affidavit na nadalahan umano nila ng male-maletang naglalaman ng milyon-milyon salapi.

Bukod kay Ridon, nadawit din sa affidavit ang mga kasakulukuyang mambabatas sa Kamara na sina Mamamayang Liberal (ML) party-list Rep. Leila de Lima, Batangas 2nd District Rep. Gerville Luistro, Manila 6th District Rep. Benny Abante, Lanao Del Sur 1st District Rep. Zia Adiong, Palawan 2nd District Rep. Jose Alvarez, Manila 3rd District Rep. Joel Chua, at Iloilo 1st District Rep. at House Deputy Speaker Janette Garin.

Idagdag pa ang dating mga naging mambabatas na sina ACT Teachers party-list Rep. France Castro, Gabriela party-list Rep. Arlene Brosas, Surigao Del Norte 2nd District Rep. Ace Barbers, Lone District of Sta. Rosa, Laguna Rep. Dan Fernandez, Kabataan party-list Rep. Raoul Manuel, at Marikina 2nd District Rep. Stella Quimbo, gayundin si Fr. Flavie Villanueva.

KAUGNAY NA BALITA: Ilang mga dati, kasalukuyang kongresista, napadalhan umano ng male-maletang pera!

Sa naging pahayag ni Ridon matapos ang naging pagdinig ng Senate Blue Ribbon Committee nitong Huwebes, Hunyo 4, 2026, sinabi niyang inakusahan na raw ng 18 ex-Marines na may maleta at bayaran ang mga katulad nilang mambabatas.

“Lahat na lang may maleta. Lahat na lang bayaran. E ‘di kayo na!” pagsisimula niya.

Diin ni Ridon, tila kasinungalingan na lang daw ang lahat ng lumalabas sa mga miyembro ng 18 ex-Marines.

“Pangalawa, lahat na lang po ng sinasabi ng 18 Marines na parang kasinungalingan na lang,” saad niya.

Ani Ridon, hindi raw totoo ang inilahad ng isa sa mga miyembro ng 18 ex-marines na si Jowly Cadiao dahil wala raw siyang natatanggap na maleta kahit kailan.

“Nililinaw ko na kasinungalingan po ‘yong sinasabi ni Jowly Cadiao. Kahit anong panahon sa kahit anomang lugar, wala pong dineliver sa akin na kahit ano pong maleta,” pagtatapos niya.

KAUGNAY NA BALITA: 'Patawarin ako ng Allah!' Sen. Robin, hugas-kamay sa gitgitan nila ni Remulla

Karton ni VP Sara, bida sa kinasang b-day celebration niya ng mga DDS sa US

“Your service and dedication to the Philippines inspires us” Viral ngayon sa social media ang video ng mga Duterte Supporter sa New York City na ipinagdiriwang ang naging ika-48 na kaarawan ni Vice President Sara Duterte. Matatandaang nagdiwang ng ika-48 na kaarawan ang Bise Presidente noong Mayo 31, 2026. KAUGNAY NA BALITA: Nag-ingay! Mga DDS nag-noise caravan, pakita ng suporta kay VP...

De Lima vs 18 ex-Marines: 'Uulitin ko... wala akong tinatanggap na pera!'

Muling pinabulaanan ni Mamamayang Liberal (ML) Partylist Rep. Leila de Lima ang alegasyon ng mga nagpakilalang miyembro ng Philippine Marines na nakatanggap umano siya ng maleta sa mga ito. Matatandaang nagsampa na ng mga kaso si De Lima at ang 2025 Ramon Magsaysay Award awardee na Fr. Flavie Villanueva sa National Bureau of Investigation (NBI) at Department of Justice (DOJ) noong Marso 9, 2026. ...

CIDG, nilinaw na walang nagkasyang 'size' na detainee shirt kay Sen. Jinggoy

Ipinaliwanag ng Criminal Investigation and Detection Group (CIDG) National Capital Region (NCR) na kakulangan sa oras at ang kawalan ng damit na akma sa pangangatawan ni Sen. Jinggoy Estrada ang dahilan kung bakit nakapatong lang ang detainee shirt niya sa inilabas na mugshot. Sa panayam ng media, sinabi ni CIDG NCR Chief PCOL John Guiagui na kinakailangan noon na agad na maihatid si Estrada sa...