Usec. Claire sa pagsuko ni Sen. Jinggoy: 'Maganda... 'di tulad kay Sen. Bato!'-Balita

Usec. Claire sa pagsuko ni Sen. Jinggoy: 'Maganda... 'di tulad kay Sen. Bato!'

By Mc Vincent Mirabuna

June 01, 2026

Nagkomento si Palace Press Officer at Presidential Communications Office (PCO) Usec. Claire Castro sa naging boluntaryong pagsuko ni Sen. Jinggoy Estrada sa mga awtoridad nitong Lunes, Hunyo 1, 2026.

Pagkatapos ito ng naging kusang pagsuko ni Estrada sa Philippine National Police-Criminal Investigation and Detection Group (PNP-CIDG) matapos ang kaniyang naging press conference sa Senado nitong Lunes.

Diin ni Estrada, makailang beses umano siyang inalok na lumipat sa Senate minority bloc upang tuluyang maabswelto siya sa plunder case na isinampa sa kaniya ng Office of the Ombudsman.

KAUGNAY NA BALITA: ‘I stand my ground!’ Sen. Jinggoy, niligawan daw ng minority bloc kapalit ng pag-abswelto sa kaso

Sa naging pahayag naman ni Castro sa panayam sa kaniya ng mga media nito ring Lunes, sinabi niyang maganda ang naging kusang pagsuko ni Estrada dahil hindi na raw pinahirapan ng huli ang mga awtoridad.

“Maganda ang ginawa ni Sen. Jinggoy na siya ay boluntaryong sumuko,” pagsisimula niya.

Dagdag pa niya, “Hindi na niya pinahirapan ang mga law enforcers.”

Ani Castro, hindi raw ito kagaya ng sitwasyon na kasalukuyan pang kinakaharap ni Sen. Ronald “Bato” dela Rosa dahil nagtatago pa rin ang huli sa pagtugis at nakaambang pagsisilbi ng mga awtoridad ng inisyung warrant of arrest ng International Criminal Court (ICC) laban sa naturang senador.

“Hindi tulad ng nangyayari ngayon kay Sen. Bato. ‘Yan po dapat na ginagawa ng isang taong alam niya po na may valid warrant of arrest,” pagtatapos niya.

Matatandaang nagbaba ang Sandiganbayan nito ring Lunes ang ikalawang warrant of arrest laban kay Estrada kaugnay sa non-bailable case niya sa kinakasangkutang maanomalyang flood control projects.

Noong Biyernes, Mayo 29, naghain ng ₱90,000 piyansa si Estrada para sa graft na isinampa rin sa kaniya ng Ombudsman. Kasunod nito, muli siyang naglabas ng pahayag at nanindigang walang mga tayan ang lahat ng inaakusa laban sa kaniya.

KAUGNAY NA BALITA: Sen. Jinggoy, umaasa sa patas na trato at due process, dahil sa ikatlong plunder case!

Anak ni Sen. Jinggoy, nag-dirty finger at minura si SILG Remulla!

Ibinahagi ni Department of the Interior and Local Government (DILG) Sec. Jonvic Remulla sa media ang ginawa umano sa kaniya ng anak na babae ni Sen. Jinggoy Estrada, hinggil sa pag-aresto nila sa senador nitong Lunes, Hunyo 1, 2026. Sa pagharap sa media ni Remulla, iginiit niyang nakatikim siya ng mura at dirty finger sa anak ng senador. “There’s a slight altercation between me and his...

Majority bloc, no show: Sigaw ni Sen. Zubiri, 'We're just waiting, we're ready to work!'

Handa raw ang Senate minority bloc na hintayin ang mga kasamahang senador sa majority bloc, matapos na walang sumipot sa kanila, sa pagbabalik ng plenary session nitong Lunes ng hapon, Hunyo 1, ayon kay Sen. Juan Miguel Zubiri. Kapansin-pansing wala ang mga senador ng mayorya sa kanilang mga upuan, kabilang na si Senate President Alan Peter Cayetano, matapos ang kusang pagsuko ni Sen. Jinggoy...

Rep. Luistro, nais maalala ng publiko bilang nanindigang solon mula sa Batangas!

Inilahad sa publiko ni Lead House Prosecutor at Batangas 2nd District Rep. Gerville Luistro na hangarin daw niyang maalala siya ng mga Pilipino bilang congresswoman na tumindig para sa interes ng publiko. Matatandaang si Luistro ang tumayong chairperson ng House Committee on Justice sa naging pagsisiyasat ng Kamara sa impeachment complaints laban kay Vice President Sara Duterte. Sa...