Sinagot ni Miss Earth Philippines 2025 Joy Barcoma ang paninita ng isang netizen tungkol sa pagkiling niya sa veteran move ni Sen. Tito Sotto III kamakailan.
Ito ay matapos sabay-sabay umalis sa plenaryo ng Senado ang mga miyembro ng minority bloc noong Mayo 26 habang sandali namang naiwan si Sotto para i-adjourn ang sesyon o magkaroon ng quorom call dahil sa naging mainit na tensyon nila sa majority bloc kaugnay sa tila minamadali umanong pag-amyenda sa Senate Rules.
Maki-Balita: ‘Akala ko ba magaling sa rules?’ Sen. Marcoleta, binulaga ni Sen. Sotto tungkol sa ‘quorum’
Sa Facebook post ng netizen na si Arby Sales noong Sabado, Mayo 30, inungkat niya ang pagtawag ni Barcoma kay Sotto noong 2017 bilang ‘misogynistic enabler’ kaugnay sa pahayag nitong okay lang umano hipuan ang babae basta biro lamang.
“It’s hilarious how she went from aggressively bashing Senator Sotto calling him 'Misogynistic enabler' to acting like his personal PR manager the second it became convenient, kasi part din sya ng minority along with her idols,” saad ni Sales.
‘Ako nagpauso!’ Keanna Reeves, mahilig sa bagets
Ngunit depensa ni Joy, “You think this is an insult? It just shows how consistent I am and that I don’t idolize politicians. I call them out when needed, I acknowledge them when they deserve it. “
Paliwanag niya, hindi raw maituturing na inconsistency ang taong may kakayahang panghawakan ang dalawang katotohanan sa parehong pagkakataon.
"Misogyny deserves criticism. Parliamentary competence can still be acknowledged. Parehong hindi mutually exclusive," dugtong pa ng beauty queen.
Ayon kay Joy, mas nakakabahala umano kung kailangang kondenahin at purihin ang lahat para masabing consistent.
Maki-Balita: Joy Barcoma, kumatig sa veteran move ni Tito Sen sa Senado!
