DOJ, uusisain kay Atty. Jimmy Bondoc kinaroroonan ni Sen. Bato-Balita

DOJ, uusisain kay Atty. Jimmy Bondoc kinaroroonan ni Sen. Bato

By Mc Vincent Mirabuna

May 26, 2026

Inihayag sa publiko ng Department of Justice (DOJ) na umapela na raw sila sa tumatayong legal counsel ni Sen. Ronald “Bato” dela Rosa na si Atty. Jimmy Bondoc upang alamin ang kinaroroonan ng senador.

Ayon sa naging pahayag ni DOJ Sec. Fredderick Vida sa isinagawa niyang press conference nitong Martes, Mayo 26, 2026, sinabi niyang nagpadala na raw sila ng pormal na liham kay Bondoc para alamin kung nasaan na si Dela Rosa.

Matatandaan kasing idiniin ni Bondoc sa naging panayam sa kaniya ng isang TV station noong Mayo 11, na may tungkulin din daw ang mga abogado na tanggapin ang arrest warrant sa mga awtoridad at sila na lang ang personal magsisilbi nito sa kanilang kliyente.

KAUGNAY NA BALITA: Ces, na-'Stress Drilon' kay Atty. Jimmy Bondoc?

“With respect to his public representation that he allegedly [knew] the whereabouts of Sen. Ronald “Bato” dela Rosa, I have directed an issuance of a formal letter request asking him to provide the [DOJ] with any information in his position or available to him regarding the whereabouts or information leading to the location of Sen. Dela Rosa,” pagsisimula ni Vida.

Ani Vida, pagkakataon na raw ni Bondoc na makipag-ugnayan sa mga awtoridad upang matiwasay na maisilbi ang arrest warrant ng International Criminal Court (ICC) laban kay Dela Rosa.

“This is an opportunity for Atty. Jimmy Bondoc to cooperate with legal processes and assist law enforcement authorities in proper service of the ICC warrant,” aniya.

Pagpapatuloy pa ni Vida, hindi naman daw dahilan ang pagkakaroon ni Bondoc ng pribilehiyo bilang abogado ni Dela Rosa para malimitahan ang pakikipag-ugnayan nito sa mga awtoridad o makagawa ng krimen, gaya ng pagtatago sa mga lumalabag sa batas, nanliligaw sa mga awtoridad, at nagpapatagal sa legal na proseso.

“My position is the client and lawyer privilege doesn’t excuse him being an officer of the Court, being a citizen of the Republic of the Philippines covered by the law, doesn’t excuse him for cooperating or doesn’t excuse him for committing crimes like concealing offenders, misleading authorities, or delaying legal process,” pagtatapos pa niya.

Samantala, habang sinusulat ito, wala pa namang inilalabas na pahayag, tugon, o reaksyon si Bondoc kaugnay rito.

KAUGNAY NA BALITA: 'Let me be the one to serve the warrant?' NBI Dir. Matibag, tiniyak na mali si Atty. Bondoc

SP Cayetano sa posibleng kudeta ulit sa Senado: 'Buo yung 13, sa 13, walang onsehan!'

May simpleng sagot si Senate President Alan Peter Cayetano sa tanong ng media kung posible ulit ang pagbabago sa liderato ng Senado, nitong Lunes, Mayo 25. Sa ambush interview ng ilang miyembro ng media kay SP Cayetano habang nasa Senado, sinabi ng Senate President na nananatiling buo ang '13' at walang onsehang nagaganap, o paglipat ng bloc. Ang '13' na tinutukoy ni Cayetano...

Davao City, isa sa mga siyudad na inaalagaan ng PBBM admin—Usec. Castro

Mariing iginiit ni Presidential Communications Office (PCO) Undersecretary at Palace Press Officer Atty. Claire Castro na isa umano ang Davao City sa mga talagang inaalagaan ng administrasyon ni Pangulong Ferdinand “Bongbong” Marcos, Jr. Kasunod ito ng mga alegasyong binitawan ni Davao City Mayor Sebastian “Baste” Duterte, kung saan sinabi nitong “zero budget” ang kaniyang lungsod sa...

Anak ni Enrile matapos bakbakan dahil 'pinalagan' si SP Cayetano: 'Di ba puwedeng may isang anak lang na nagsasalita bilang anak?'

Naglabas ng panibagong pahayag ang anak ng pumanaw na dating senate president at special adviser to the president na si Juan Ponce Enrile, na si Katrina Ponce Enrile, upang linawin ang naging komento niya kaugnay ng mga naging pahayag ni Senate President Alan Peter Cayetano patungkol sa kaniyang ama. Tila 'inalmahan' at nilinaw kasi ni Katrina ang tunay na relasyon ni SP Cayetano sa...